L’ALGUER AMB LO CATALAN
L’an 1999, lo Senat italian declarèt divèrsas lengas coma pròprias del patrimòni lingüistic e cultural d’Itàlia. Dins de la lista, lo catalan i èra present, coma lenga de L’Alguer. Aquela declaracion dobrissiá la possibilitat d’una cèrta “normalizacion lingüistica”.
Pendent las darrièras setmanas, s’an produsit de cambiaments qu’ajudan a una màger preséncia e a l’ensenhament del catalan a la vila, ont es solament parlat abitualament pel 25% de la populacion, e mai qu’es comprés pel 88%.
Una lenga ara tanben universitària
Jos l’escut municipal als documents e las afichas, apareisserà al començament la denominacion catalana, “Ciutat de L’Alguer” e après en italian (unica lenga oficiala a la Republica Italiana). L’an 2018 s’aviá creat lo Conselh Civic de Politicas Lingüisticas, destinat a potenciar la lenga catalana a L’Alguer. Mas tanben lo catalan arriba a las escòlas. La comuna algueresa ajudarà a l’ensenhament de la lenga a l’educacion de primària, un besonh basic per promòure lo catalan entre las nòvas generacions. Tanben amb l’Universitat de Sàsser, L’Alguer vòl potenciar las certificacions de coneissença de Català, per poder ensenhar de classas de lenga.
La Redaccion
