Un coble siguec arrestat per criar gats exotics en estat espanhòu. La polícia que digó que las activitats deu coble èran ligadas a ua organizacion globau de trafic mei grana. Lo coble era sospèch de véner deus gats exotics en linha, dont espècias protegidas coma tigres blancs, pumas e leopards ennublats. La Guarda Civila que hasó ua incursion dens l’ostau deu coble sus l’isla de Malhòrca après aver aprés que possedivan e que lhevavan espècias felinas raras que venèn alavetz suus mèdias sociaus.
En totau, 19 felins qu’estón trobats sus la proprietat e sauvats entaus agents. Que comprenè un caracau, dus cervaus e 16 felins ibrides. La Guarda Civila digó que la descobèrta èra pas “que la punta de l’icebèrg d’un complòt” d’ua organizacion criminau globau implicant neuridors, carrejaires e veterinaris. “la màger part deus animaus auhèrts a la venta que vienèn de país coma Russia, Bielorussia e Ucraïna, entà estar contrabandats en l’Union Europèa,” çò digó la Guarda Civila.
Mèdias sociaus hèra actius
Las autoritats digón que los mèdias sociaus deu coble èran “hèra actius” a mesura que personas d’autes país los contactavan entà crompar aqueths tipes d’animaus. Los animaus qu’estón contrabandats dens l’UE per la frontèra de Polonha dab Bielorussia e puish distribuïts dab documents faus, ce ajustèn. Euròpa qu’ei centrau entau comèrci de fauna sauvatja exotica e lo mercat negre illicit qu’ei en aumentacion, segon lo Fons Internacionau entau Benèsser Animau (IFAW).
Lo coble que hasó tanben publicitat d’autes animaus per mèdias sociaus, dont iènas, linx deu desèrt e pumas. Un leopard ennublat – un animau originari de l’Imalaia – dab un prèzt de 60 000 € qu’estó tanben metut a la venta en linha. Aquera incursion que hasèva partida d’ua operacion mei larja que comencè en març darrèr. Ua auta persona que siguec enquestada entà aver venut divèrsas espècias d’animaus exotics sus internet.
Los animaus que son estats plaçats temporàriament au zòo Safari de son Servera de Malhòrca . Que poiràn estar desplaçats mei tard dens un centre de sauvament a costat d’Alacant, quan serà enqüèra en discussion. La hauta demanda de gats exotics qu’ei alimentada peus mèdias sociaus pr’amor que los felins pòden estar vists com un signe de riquessa o de l’estatut, segon l’IFAW. Mes aqueths gats – qui demandan hèra de qu’espàcia – que son mauaisits de suenhar.”Que son plan agressius e que pòden representar un dangèr entà las personas o autes animaus” çò qui mia a hèra personas a se desbarrassar d’eths, dit la Guarda Civila espanhòla.
La Redaccion
Aquesta cronica suu Ràdio País : https://soundcloud.com/radio-pais/la-venta-illegau-de-felins-en?in=radio-pais/sets/natura
