Una nòva edicion de la “Fièra del Roman Istoric” a la vila catalana de Puig-reig, a la comarca del Berguedan. De divèrses escrivans catalans an presentat de novetats e an remembrat tanben lors trajectòrias literàrias, en un ambient de fèsta, e amb la proximitat dels legeires. D’escrivans coma Jordi Matilló, Jordi Barrufet, Martí Gironell, Xavi Coral, Coia Valls, Teresa Sagrera, Sergi Belbel, Rosa Maria Prat… una perfiècha seleccion de la literatura istorica catalana actuala.
Puig-reig es una vila amb un grand passat istoric, e es un endrech perfièch per desvolopar una fièra consacrada al roman istoric. Possediguèt una importanta comandariá templièra en epòca medievala e foguèt scenari, coma tota la comarca, de qualques episòdis de las guèrras carlinas al sègle XIX.
Fòrça interessants son estats los debats sus la situacion de la literatura generalament, e del roman istoric particularament. Los escrivans explicavan que la recèrca de las donadas istoricas (per lutar contra los anacronismes e los errors istorics) a de besohn en fòrça escasenças de la majoritat del temps en lo procès de creacion d’un roman. E que l’abséncia d’informacion de qualque aspècte, fa possible emplir aquela manca amb imaginacion.
La situacion del roman istoric, uèi
Foguèt tanben analisada la situacion del prestigi del roman istoric, un genre literari que gaudís d’una bona preséncia entre las preferéncias dels legeires, mas que qualques domenis considèran un “genre mendre”, malgrat la granda qualitat de fòrça romans inspirats en d’autras epòcas istoricas.
Un tèma tanben debatut foguèt la dificultat per publicar, sustot pels escrivans nòus desconeguts, mas tanben aqueles qu’an publicats de divèrses romans tròban de dificultats en la publicacion, sens desbrembar que l’escrivan es qui ganha mens dins de tot lo procès de creacion e edicion d’un libre.De fièras coma la del Roman Istoric de Puig-reig ajudan a conéisser la realitat literària e editoriala e aprochar als escrivans amb los legeires.
Un article de Francesc Sangar*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
