Qué son las accions? Perqué càmbian las siuenas cotizacions? Lo capital qu’incorpòran los proprietàris d’una entrepresa (los accionaris) se dividís en accions. Aquelas accions se pòdon introduïre al mercat, e doncas, se pòdon crompar e vendre. Lo mercat ont son vendudas es la Borsa.
Al començament an una determinada valor, mas dins lo mercat bas, e puja las siuenas cotizacions. Las causas d’aquela variacion son fòrça divèrsas.
En una entrepresa qu’a obtenguts de beneficis e amb unes informes que mòstran una situacion economica e financièra amb rendabilitat, solvabilitat (estabilitat) e liquiditat, trobarem fòrça personas interessadas en crompar d’accions d’aquela entrepresa, perque segurament dels sieus beneficis repartirà una part entre los sieus proprietaris; son los dividends.
Una prevision de futur
Tanben se las previsions confirman que l’entrepresa contunharà amb una bona situacion economica en lo futur, lo volum de personas interessadas en crompar d’accions e èsser proprietaris o accionaris serà mai elevat.
Aquela demanda ascendenta per crompar d’accions aumentarà lo prètz o cotizacion d’aquelas meteissas accions; mai d’interessats crompadors implica que lo prètz puge, pr’amor que la demanda de crompa supèra l’ofèrta de venda.
De resultats negatius provòcan que los accionaris volgan vendre d’accions, e se l’ofèrta de venda supèra la demanda de crompa (pas gaire investisseires vòlon crompar d’accions d’una entrepresa amb problèmas) la cotizacion e lo prètz davalan. D’autras causas que pòdon provocar de davaladas del prètz de las accions son l’inici de guèrras o l’inestabilitat politica.
Las accions de las entrepresas mai importantas son agropadas en unes indèxes borsièrs fòrça coneguts: lo Dow Jones de Nòva York, lo CAC 40 de París, l’IBEX 35 de Madrid, lo Nikkei de Tokio…
Qualques produits financièrs incorpòran d’accions de divèrsas entrepresas, amb qualques unas que pòdon gaudir d’un creissement e d’autras en crisi. Lo mond de la Borsa es totjorn complicat e totes qui vòlgan invertir devon abans èsser fòrça informats.
Un article de Francesc Sangar*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
