Era populacion mondiau poirie quèir dempús era anada 2050. Çò ei era conclusion finala d’un estudi que restaque era populacion mondiau e es poders economics mondiaus que i aurà en aquera epòca. Segontes aguest estudi era populacion dera Tèrra arribarie enquias 9,7 bilions de persones en d’aperaquí era annada 2064 e dempús queirie enquias 8,8 bilions en 2100.
Mès educacion ena planeta
Segontes es cercaires qu’an hèt aguest estudi açò se debanarà atau pr’amor dera utilizacion mès grana d’anticonceptius mès modèrns a mès d’ua major educacion des mainatges mès tanben des hemnes. Açò que provocarà ua casuda ena populacion en tota era planeta dempús dera decada de 2050. Eth nau estudi siguec publicat ena revista scientifica online The Lancet.
En er estudi sigueren utilizades donades d’ua mapa globau de malauties hèta en 2017 a mès d’autes donades a nivèu globau mès tanben regionau e nacionau, e tanben era mortalitat, fertilitat e migracion en toti es païsi dera Tèrra. Er estudi siguec hèt per diuèrsi cercaires dera Escòla Universitària de Medecina de Washington damb donades de 183 païsi des 194 actuaus que i a aué.
Segontes aguest estudi en 2100 i auràn pròp d,’1,7 bilions de persones qu’an mès de 65 annades, sustot en es païsi damb ua tecnologia mès avançada. E pr’amor d’açò eth creishement de populacion que patís actuauments era planeta se veirà arrestada abans dera mitat dera fin d’aguest sègle. En 2100, a mès, i auràn païsi qu’auràn ua grana influéncia ena planeta com Índia, China, e Nigèria, a mès des Estats Units. D’auti païsi com Itàlia o er estat espanhòl non poiràn remplaçar era sua populacion mès anciana pr’amor d’ua taxa d’1,2 de neishements, ua des mès baishes dera planeta (e qu’aurà solament 23 milions d’abitants quan aué n’a 46!). Totun, era populacion d’Africa contunharà creishent d’1,03 bilions d’aué enquias 3,07 bilions en 2100. E, pr’açò, diden es cercaires, serà un món totauments nau.
Era Redaccion
Aguest article ei publicat gràcies a un acòrdi de cooperacion damb www.aranes.club, era pagina web entà apréner aranés de forma gratuita
