Adrià Ballester i Garcia, Estudiós der urbanisme e es sues conseqüéncies en es diferents àmbits, e especiaument en identitari, publiquèc ena prestigiosa colleccion “Istòria d’Aran” publicada des dera Acadèmia Aranesa dera Lengua Occitana – Institut d’Estudis Aranesi er article “Urbanisme. Mèdi sociau d’Aran. Singularitats identitàries.”. Actualment collabora damb eth projècte “Pobles abandonats” organizat pera Coordinadora de Centres de Parla Catalana e l’Institut Ramon Muntaner, entre d’auti, damb un estudi sus es nuclèus abandonatdi d’Aran.
SAPIÉNCIA OCCITANA.- Qué t’atrè mès dera cultura occitana e aranesa? (Lengua, cultura tradicionau e popular, istòria…)?
A.B.G.- Eth hèt d’auer estudiat istòria ei quauquarren important en mèn interès pera lengua occitana. Era lengua occitana ei ua cultura fraia dera lengua catalana e represente era arraïtz deth pòble catalan, e açò me desvelhe er interès entà aguesta cultura, en generau. Era recèrca ei era partida des estudis universitaris que m’atrè mès, pr’amor que desvolopar ua recèrca sus un subjècte en concrèt, signifique exprimir es mèns coneishements d’ua façon libre sense restriccions. Donques, açò que me portèc dempús era mia arribada en Aran a apréner sus era cultura occitana, ei un esperit personau que me hè cercar sus aquerò que desconeishi e a hèr-me preguntes sus eth païsatge que m’entornege.
Sapiéncia.- As collaborat amb diuèrses activitats consacrades ar urbanisme e es ciutats. Un article ena enciclopèdia Istòria d’Aran sus urbanisme e ongan trabalhes damb eth projècte Viles Abandonades der Institut Ramon Muntaner. Explica-nos aqueres activitats.
Adrià Ballester.- Era observacion deth païsatge e pausar-me qüestions sus eth territòri ei quauquarren que me permet conéisher mès sus eth lòc on sò e, en definitiva, un concèpte mès prigond des mies observacions. Es ciutats abandonades sigueren abitades per d’autes èsters umans hè longtemps. M’interèsse fòrça conéisher com viuien aqueres persones adès e voleria véder quina ère era sua vida quotidiana.
Sapiéncia.- Quin messatge diries as personas joenes que demòren aluenhades der interès entara la lengua e era cultura?
Adrià Ballester.- Que de ben segur, se aprigondim ena cultura deth sòn territòri, traparam un sens ara vida. Pensi qu’eth coneishement ei un des camins dera vida entà respóner a qüestions, e i a fòrça gent qu’ac desconeish, pr’amor d’ua vida superficiau qu’apòrte mès escuretat.
Sapiéncia.- D’auti projèctes…
Adrià Ballester.- Voleria méter es mies conclusions sus eth territòri per escrit, d’ua façon que se hèsque comprenible entàs auti. Voleria daurir un grad de divulgacion mès gran des coneishements que sò a concludir.
Una entrevista de Francesc Sangar*
*Dempuèi uèi trobarètz una pichona biografia dels redactors de Sapiéncia en la seccion Qui sèm
