DE VIDA EN MART ?
Fins ara òm cresiá que i podiá aver pas cap tipe de vida sus la superfícia de Mart. Pasmens, de nòvas e recentas donadas del robòt Perseverance de la NASA confirman que, aumens, i a d’ingredients necessaris per i trapar de micròbis vius.
Aital, un nòu estudi donèt coma resulta suggerir que la superfícia de la planeta Mart poiriá èsser un bon luòc per i trapar de vida microbiana. L’estudi foguèt publicat la numeric Astrobiology e foguèt fach en tot analizar divèrses meteòrs marcians sus la Tèrra. Se pòdon arribar a l’aiga aqueles meteòrs pòdon produsir l’energia quimia de besonh per sostenir de micròbis. E tanben suggerisson que pr’açò i poiriá aver fòrça vida microbiana sus la superfícia de Mart.
D’aiga a Mars
“Uèi es conegut que i d’aiga jos la superfícia de Mart, çò diguèt Jesse Tarnas, de la NASA. E se jamai i aguèt de vida en Mart abans la nòstra cresença es que pòt aver contunhat plan fins a uèi lo jorn aisidament”. Pr’amor que la sciéncia descobriguèt que i a de grandas comunautats de micròbis en de luòcs, coma caunas, ont i arriba pas jamai la lutz. Mas sonque amb d’aiga n’i a pro per viure.
E identifiquèron totes aquels ingredients necessaris per ajudar a subreviure aquel tipe de micròbis. Totes los meteòrs marcians trapats en la Tèrra avián aqueles ingredients e doncas cal imaginar que tanben n’i a sus la superfícia de Mart. Tanben uèi lo jorn. Car alalvetz òm pòt predire d’un biais pro solide que i pòt aver, e fòrça, vida microbiana jos la superfíca de Mart. Pr’amor qu’ailà foguèt trobada d’aiga, un fach abans desconegut per l’umanitat. E ont i a d’aiga i a d’energia per subreviure. “La superfícia d’aquela planeta, çò avertiguèron los cercaires que faguèron l’estudi, es la darrièra frontièra scientifica que cal explorar. Avèm estudiat la siá atmosfèra e la siá superfícia, mas çò que cal far ara, se volèm conéisser d’un biais segur se i a de vida ailà, es estudiar amb prigondor tot çò que i a jos la superfícia de Mart”.
La Redaccion
