DE PÈIRAS PER PRODUÏRE D’OXIGÈN A MART
Alendar en d’autras planetas coma Mart poiriá èsser pas pus un sòmi mas plan possible pr’amor de la tecnologia. Lo robot chinés Al Chemist es un sistèma robotizat quimic amb d’intelligéncia artifiala que ja poguèt crear d’oxigèn amb sonque de meteòrs d’aquela planeta.
Segon aquò, un robot quimic amb d’IA pòt cambiar totalament la nòstra preséncia permanenta a la planeta Mart. Una tòca que fa decadas que l’umanitat vòl veire realitzada a travèrs de l’enviament de naus espacialas coma las d’SpaceX. E ara, amb Al Chemist, la tòca poiriá venir vertadièra lèu lèu
Pasmens, cal encara trapar lo material primièr per crear aquel oxigèn. Mart a una atmosfèra plan prima facha de dioxid de carbòni, de nitrogèn e d’argon e de cercaires de la planeta tota assajan ja dempuèi fa decadas cossí resólvre aquel problema.
Una descobèrta estonanta
Pr’açò una cola de cercaires de l’Universitat de Sciéncia chinesa (USTC) poiriá aver la clau a l’ora de resólvre aquel problema. La descobèrta es estada considerada coma revolucionària e lèu se poiriá colonizar Mart o encara d’autras planetas en un futur pròche.
Lo robot quimic amb d’intelligéncia articiala foguèt dessenhat per poder crear d’oxigèn. E los cercaires poguèron desvolopar un catalitzador qu’es al còp productor d’oxigèn. Lo material de besonh usat per crear d’oxigèn son de minerals de Mart. Aquò entraïnariá poder crear d’oxigèn dempuèi la meteissa planeta e, aital, aver una produccion autonòma d’oxigèn a la meteissa planeta sonque amb l’ajuda de minerals de Mart o de glaç d’aquela planeta, e sens cap ajuda d’umans. Aquò fa d’aquela descobèrta una de las pus estonantas del sègle XXI.
L’avanç tecnologic es doble pr’amor qu’aquò ajudariá a enviar pas de tònas e tònas d’oxigèn a Mart amb d’autras naus espacialas. Un prètzfach car e lent. Mas se òm pòt crear d’oxigèn sonque amb de material de Mart, se poiriá crear una comunautat umana permanenta e segura.
Lo robot químic amb d’IA chinés usèt un lasèr amb de nauta poténcia per analizar la quimia de cinc meteròrs de Mart; e trapèt sièis elements quimics amb de fèrre, de niquèl, de calci, de magnèsi, d’alumini e de manganès. N’i aviá pro per començar a assajar desparièras mesclas quimias. De soslinhar que los umans aurián demorat mai de 2.000 ans per los mesclar, car i aviá fins a 3,7 milions de mesclas possiblas.
Pasmens, l’IA trapèt lèu quina seriá la melhor mescla per èsser usada coma catalizador per produire d’oxigèn en Mart. Las donadas, puèi, foguèron usadas per entrainar un modèl neuronal que podiá predire cossí funcionarián los catalizadors amb las desarièras mesclas quimias. Puèi lo robot analizèt lo catalizador final e trapèt que la mescla èra ideala per crear d’oxigèn.
Segon los cercaires, lo robot pòt foncionar pendent mai de 6 jorns amb un corrent electric de 10 miliampèrs por centimètre cairat e un sobrepotencial de 445,1 milivolts en una temperatura de fins a -37 ºC (l’atmosfèra de Mart es aital) e jamai i aguèt cap problèma a l’ora de produire d’oxigèn de biais permanent.
Val pas dire qu’aquesta és una descobèrta plan importanta que poriá cambiar l’exploracion espaciala. “Es una tecnologia plan nòva que poiriá situar l’umanitat mai prèp de la colonizacion de Mart, çò diguèt Jian Jung, de la còla de cercaires d’aquela universitat. La descobèrta foguèt publicada al numeric Nature Synthesis.
“Lèu los umans poirán bastir una fabrica d’oxigèn en mart amb l’ajuda d’un robot quimic amb d’IA, çò apondèt Jung. “Sonque cal 15 oras de lutz solara per produire d’oxigèn per ajudar a subreviure una pichona colonia umana en Mart, çò afirmèron los cercaires”.
La Redaccion
