Las montanhas de colors son un dels luòcs mai polits de la planeta tota. Son a la província de Gansu, en China, e son situadas dins lo Pargue Nacional Geologic Nacional Zhangye Danxia. Per sas colors surrealistas l’endrech foguèt declarat Patrimòni de l’Umanitat en 2010.
Es un zòna amb pauca pluèga, formada per diferents depaus minerals qu’an una color desparièra segon lo tipe de ròca. Lo temps donèt aquela imatge a l’airal. L’irregularitat del terren comencèt fa de milièrs d’annadas, quand las placas tectonicas d’euràsia e indo-australiana truquèron.
Lo paisatge de las Montanhas de Colors s’espandís al long de mai de 300 quilomètres carrats situats dins lo Pargue Danxia de Zhangye, qu’a una superfícia totala de cinc cents vint quilomètres carrats.
Lo Pargue Geologic Nacional Zhangye Danxia es celèbre per lors montanhas de colors e foguèt votat pels mèdias chineses coma una de las formacions geologicas mai bèlas de tota China. Pr’açò foguèt declarat tanben pargue nacional en 2011. Lo pargue es pròche de la partida mai septentrionala de las montanhas de Qilian entre Linze e Sunan, a la província de Gansu.
La resulta d’un truc tectonic
Çò de mai conegut del pargue son justament aquelas montanhas de colors, de formacions de ròcas qu’an centenats de mètres de nautor e que son la resulta del truc de mai d’una placa tectonica – que tanben formèt l’Imalaia- fa mai de 24 milions d’annadas.
La resulta dirècta d’aquel truc foguèt la creacion de depaus de sable e d’autres minerals, que, amb temps, e l’ajuda de la pluèja e lo vent, creèt maitas formas e colors, que convertiguèron lo luòc en un dels mai polids de la planeta tota.
La revista nacional chinesa Geografia de 2009 considèret Zhangye Danxia com un dels sièis mai bèls relèus chineses. Abans d’aquò, totun, un jurat de mai de 34 jutges aviá causit ja las Montanhas de Colors en 2005 coma un dels relèus mai bèls de China. Los jutges apertenián a mantuns mèdias chineses. Uèi lo jorn es un dels airals mai visitats pels toristes qu’arriban a China.
Un article d’Andrés López*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
Aqueste article es tanben publicat dins Naturaleza Salvaje, un numeric de geografia e l’environament, que Sapiéncia n’a un acòrdi de cooperacion
