Cal tanben poder parlar de la concession deu governament de Còngo a las multinacionaus internacionaus deu son bòsc tropicau entà l’espleitacion petrolèra e com aquò pòt afectar la fauna e flòra d’aqueth país. Pr’amor que la concession actuau ei de 67 ectaras de sèuva de lo segond principau bòsc tropicau de la planeta, on enqüèra i a centenars de gorillas e elefants e tanben indigènas que veiràn com acaba lo son monde tradional.
Atau, lo governament de Còngo que balhè la concession de mei de la mieitat deu sòu deu son país, on i a tanben 67 ectaras de bòsc prumèr tropicau. Lo territòri qu’ei l’abitat per espècias coma gorillas, bonobos, elefants e ausèths endemics e tanben autas espècias miaçadas. Ua region clau entà lutar contra lo cambiament climatic. Mes adara lo governament congolés que vòu balhar llicèncias a 52 amassadas d’enterpresas entà espleitar lo gas e lo petròli de l’estenuda. Totun, las comunautats locaus e ecologistas n’i son pas briga d’acòrd.
Còngo produsís 18.000 barricas de petròli de faiçon annau. Mes tot aquerò qu’avèva coma origina la còsta d’aqueth país. L’interior qu’èra demorat sauvat de l’espleitacion industriau. Dejà en 2022 lo governament que voló balhar 27 concessions mei de bòsc protegit coma lo Parc Nacionau de Virunga o lo lac Kivu, estenudas protegidas. Mes lo projècte qu’estó, fin finau, arrestat, pr’amor d’ua grana campanha internacionau deus mèdias contra aquera accion.
Un territòri tanben abitat per umans
Segon divèrs rapòrts internacionaus, com lo realizat per Earth Insight, adara parlam de “124 milions d’ectaras, e tanben de la mieitat d’aqueras abitadas per comunautats indigènas e fauna e flòra. Çò ei destrusir un deus paumons deu monde”.
Pr’amor qu’aquera estenuda a lo màger segond bòsc tropicau deu monde. Que i demoran milions d’espècias protegidas e qu’ei clau entà lutar contra lo cambiament climatic. Çò que provocarà aquera espleitacion industriau qu’ei liberar milions de tònas de dioxide de carbòni a l’atmosfèra mes lo governament n’ei pas briga inquièt entad aqueth hèit. Las enterpresas que son estatsunitencas. Qué i arriban aprés un acòrd dab l’administracion Trump.
Tot aquerò es contràri au projècte que i avèva de protegir mei de 100.000 quilomètres carrats de bòsc. Mes d’aqueth projècte ne demora un 72% dens las concessions navèras. Segon los expèrts ecologistas, qu’ei contradictòri balhar de granas concessions industriaus e ensajar de protegir la biodiversitat. Solament i a la tòca de l’argent e pro, ce digón.
Lo projècte Tèrra shens Petròli, vadut en 2024, que vòu arrestar totas aqueras concessions e empachar de faiçon definitiva l’expansion industriau dens lo bòsc protegit de Còngo. E que demanda aver leis hòrtas entà protegir los drets deus abitants de la region. Segon los expèrts “que i a pro mineraus au fluvi Còngo entà crear electricitat e ne cau pas destruïre lo bòsc. Se lo projècte s’i escadó, ce ajustèn, lo futur de la planeta que demorarà ipotecat. E que serà ua catastròfa environamentau mondiau òrra ».
La Redaccion
Aquesta cronica suu Ràdio País : https://soundcloud.com/radio-pais/06d538f8-058d-4b0d-bdbe-76b2e35f6dc6?in=radio-pais/sets/natura
Fotografia Principau: Julien Harneis/CC
