Home TECNOLOGIA UN NAU METÒDE MAGNETIC ENTÀ MÒIR NANOROBÒTS MÈS RAPID
UN NAU METÒDE MAGNETIC ENTÀ MÒIR NANOROBÒTS MÈS RAPID
0

UN NAU METÒDE MAGNETIC ENTÀ MÒIR NANOROBÒTS MÈS RAPID

0

Ua còla de cercaires estatsunitencs a trapat ua naua tecnologia entà mòir mès rapid robòts microscopics – aperadi nanorobòts – e qu’an ua base d’ADN. Eth metòde ei mòir es robòts damb un nau sistèma magnetic. Aquerò pemeterà lèu mòir robòts segontes era demanda laguens deth còs uman.

Es scientifics utilizèren ua base d’ADN e dempús particules de poliestirèn qu’an tanben materiau magnetic.

Era naua tecnologia permet mòir es nanorobòts damb ua base d’ADN damb ua velocitat fòrça mès grana que non se hège abans. Damb açò es nanorobòts pòden mòir objèctes, coma drògues o medecines, e amiar-los en lòc desirat damb ua velocitat susprenenta. Enquia aué aguesti nanorobòts èren fòrça mès lenti entà mòir-se e eth descorbiment ajudarà fòrça ara medecina genetica.

“Podem imaginar que didíem a un robot de hèr quauqua causa. Enquia aué auíem de demorar lèu cinc menutes enquia que eth nanorobòt se botgèsse – çò diguec Carlos Castro, dera còla scientifica qu’a hèt aguest descorbiment e dera Universitat Estatau d’Ohio-. Aguest ère eth metòde utilizat enquia ara entà mòir es nanorobòts. Ara, damb era naua tecnologia magnetica qu’auem aplicat tot ei mès rapid, solament segondes”.

Aguesta naua tecnologia ja ère utilizada peth cercaire Ratnasingham Sooryakumar, professor de fisica, mès es robòts, maugrat qu’èren microscopics non èren pro petits. Pr’açò se trobèc damb Carlos Castro que sabie coma bastir robòts encara mès petiti: nanorobòts.
Ua tecnologia microscopica magnetica

Es naues particules magnetiques utilizades son totauments invisibles entath uèlh uman mès que funcionen ben e fòrça mès ràpid qu’abans. “Auem descorbit un nàu sistèma entà mòir aqueres particules damb era fòrça magnetica – çò soslinhèc Castro -. Era collaboracion entre es dus cercaires siguec fondamentau e auem podut crear ua naua tecnologia estonanta”.

Entà crear es nanorobòts, es scientifics utilizèren ua base d’ADN e dempús particules de poliestirèn qu’an tanben materiau magnetic. Quan activèren eth camp magnetic descobiren que podien mòir es particules damb ua velocitat fòrça mès rapida qu’un segon. Atau, eth nanorobòt pòt virar enquia 360 grads en mens d’un segon pr’amor deth sòn camp magnetic.

 Ua còla de cercaires estatsunitencs a trapat ua naua tecnologia entà mòir mès rapid robòts microscopics – aperadi nanorobòts – e qu’an ua base d’ADN.

Segontes era còla qu’a descorbit aquesta naua tecnologia, abans calie demorar bères menutes abans de poder mòir es nanorobòts. Ara e segontes Castro i aurà lèu nanorobòts biomoleculars fabricadi damb bases d’ADN que se poiràn mòir de manèra mès rapida segontes er environament e eth camp magnetic.

Totun, aqueri scientifics an demorat diuèrses anades entà arribar a descobrir aguesta naua tecnologia e ara vòlen contunhar er estudi dera madeisha entà veir se pòden anar mès enlà. Era naua tecnologia siguec publicada ena pagina web Nature Communications per aguesta còla estatsunitenca hè pògues setmanes.

Era Redaccion

Aguest article ei publicat gràcies a un acòrdi de cooperacion damb www.aranes.club, era pagina web entà apréner aranés de forma gratuita

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.

LEAVE YOUR COMMENT

L'adreça electrònica no es publicarà. Els camps necessaris estan marcats amb *