Home DIVÈRSES LOS MAI FÒRTS AN LOS CERVÈLS MAI AGUTS
LOS MAI FÒRTS AN LOS CERVÈLS MAI AGUTS

LOS MAI FÒRTS AN LOS CERVÈLS MAI AGUTS

0

Un nòu estudi fach per de cercaires australians confirma que las personas mai fòrtas fisicament son las que donan de responsas de manièra mai lèu e melhor en tot far de pròvas escrichas. L’estudi confirmariá doncas çò que los romans ja disián “mens sana i corpore sano”. Mas ara de manièra scientifica.

Segon l’estudi, los cercaires an suggerit que far d’exercici fisic poiriá arrestar l’’aparicion de cèrtas malautiás

L’estudi mostrèt que las personas mai fòrtas an un melhor foncionament cerebral. Las pròvas èran sus la velocitat de responsa, de logica per resòlvre de problèmas e atanben desparièras pròvas de memòria. E las personas qu’avián mens de 55 ans d’edat e qu’èran mai fòrtas aguèron una melhora resulta.

“Avèm considerat divèrses factors coma l’edat, lo genre, lo pes e l’educacion – çò diguèt Joseph Firth, cap de l’estudi -. La resulta soslinha que las personas qu’an mens de 55 annadas e que tanplan son las mai fòrtas son las qu’an de melhors cervèls. I a una connexion clara entre la fòrça musculara e la santat cerebrala”.

Cal far mai d’estudis

Pasmens la còla qu’a realizat aqueste estudi confirma que ne cal far mai pr’amor qu’es de besonh poder demostrar de manièra scientifica que l’exercici fisic dòna una melhora activitat cerebrala. Amb aqueste estudi qu’an fach, dison, e maugrat qu’es un bon pas dins lo bon camin, n’i a pas pro per demostrar l’associacion entre melhora santat cerebrala e fòrça fisica.

L’estudi mostrèt que las personas mai fòrtas an un melhor foncionament cerebral.

Aqueste estudi es un nòu estudi qu’a fach la còla de Firth, de l’Universitat de Sidney de l’Oèst, en Austràlia, sus aquela relacion. Es pas lo primièr pr’amor que contunha la linha de recèrca scientifica d’aquela còla. Totun, que las resultas èran pas estadas jamai tan claras e aquò a balhat fòrça optimisme entre los cercaires. “Avèm detectat tres causas nòvas – çò diguèt Firth – e una d’aquelas es l’exercici fisic en relacion amb lo pes. Aquò poiriá èsser tanben bon per las condicions cerebralas de las personas”.

A mai, l’estudi tanben a de resultas sus l’exercici fisic e divèrsas malautiás mentalas coma l’esquizofrenia. Segon los cercaires la relacion entre una màger fòrça fisica e melhora activitat cerebrala atanben es estada confirmada en de malauts d’esquizofrenia, depression e desòrdre bipolar. Un fach totalament estonant.

Après aquò los cercaires an suggerit que far d’exercici fisic poiriá arrestar l’’aparicion d’aquelas malautiás e que per o poder demostrar, ara cal far mai e mai prigonds estudis sus tot aquò.

La Redaccion

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.

LEAVE YOUR COMMENT

L'adreça electrònica no es publicarà. Els camps necessaris estan marcats amb *