Aquesta es la conclusion finala de l’estudi fach ongan d’un ensems de donadas de la mission Cassini de la NASA sus la composicion dels anèls de Saturne. L’estudi es estat publicat pel jornal Icarus per Zhimeng Zhang, de l’Universitat de Cornell.
E es un estudi que s’a pogut far maugrat qu’aquestas donadas ja existissián. Mas i aviá un problèma : èran tròp complèxas per èsser estudiadas amb prigondor. Ara, aqueste estudi balha d’informacion nòva sus l’edat dels anèls de la planeta Saturne. E divèrses scientifics ja an confirmat que l’estudi serà lo començament de la definicion finala scientifica d’aquesta edat.
La composicion dels anèls èra ja un problèma malaisit de comprene: son fachs basicament de particulas de glaç – finís a divèrses mètres de prigondor – e aquestas son bombardadas de contunh per de pichons meteòrs de pèira qu’an coma origina la cinta de Kuiper mai exterior del Sistèma Solar. Aquò ja fasiá malaisida la recerca scientifica.
Se coneisiá pas la proporcion exacta dels materials pr’amor que lo glaç es opac e arresta la lum d’i intrar e determinar la composicion exacta de material de pèira que i a dins.
Anèls fòrça mai joves
En tot estudiar las donadas de la Mission Cassini sus los anèls de Saturne – qu’èra pas la mission originala pr’amor qu’aquesta èra estudiar la superficia de la luna de Saturne, Titan – Zhang a pogut arribar a comprene quina es la composicion dels anèls e après ne determinar l’edat.
Après divèrses meses d’estudiar l’anèl sonat C – un dels mai contaminats – Zhang poguèt determinar que la proporcion de pèiras de silicat es 1-2%. E aquò balha una edat d’entre 15 e 100 milions d’annadas. Cal pensar que uèi se pensa que l’edat dels anèls es de prèp de 4 bilions d’ans.
“Cap dels scenaris originals confirmava que los anèls èran mai joves de 3,9 bilions d’ans – çò diguèt Zhang –e aquò forçarà a cambiar el modèl de composicion dels anèls e doncas, de la sieuna edat”.
De mai, lo nòu modèl sus la composicion dels anèls de Saturne soslinha que l’arribada de pichons meteòrs a crescut per un cors de pèiras de mai de 20 quilomètres que poiriá aver coma origina una familha de pichons planetas de Centaure plaçats entre Jupitèr e Neptun.
Aital, e segon aqueste nòu modèl scientific, Centaure auriá arribat prèp dels anèls divèrses còps. E pr’aquò aqueste fenomèn. “Los Centaure pòdon perfièchament èsser destruïts pendent aquestas trobadas amb Saturne – çò afirmèt Ryuki Hyodo, de l’Universitat de Kope. Totun, lo procés es pas encara clar e cal cercar mai per o poder demostrar scientificament”.
Fins uèi lo modèl dels Centaure establís que las pèiras silicatadas que i a en l’anèl C de Saturne aurián coma origina puslèu una luna qu’auriá trucat amb aquesta planeta e qu’auriá format l’anèl. L’annada venenta lo radar de Cassini balharà mai de donadas que poirián ajudar a resòlvre aqueste problèma.
Lo nòu estudi de Zhang ajudarà de segur a analizar a sospesar las nòvas donadas e l’intencion del pròpri scientific es ara, en tot aplicar aquesta nòva metodologia, de balhar una edat definitiva als fòrça mai grands anèls A e B de Saturne. “Es una operacion que me fa sentir nerviós e inquiet al còp – çò diguèt Zhang – pr’amor qu’aquestas donadas poirián èsser corregidas en lo futur. De mai, las observacions que se faràn en 2017 ajudaràn en definir fin finala l’edat d’aquestes anèls que, se formèron a l’epòca dels dinosaures e pas abans”.
La Redaccion
