Home DIVÈRSES JAMÈS TAN APRÒP DERA FIN DETH MON
JAMÈS TAN APRÒP DERA FIN DETH MON
0

JAMÈS TAN APRÒP DERA FIN DETH MON

0

Aué èm mès apròp dera fin dera planeta per rasons nuclears que hè solament ua annada. Ei çò qu’an confirmat diuèrsi especialistes scientifics deth Panèu Mondiau entath Relòtge dera Apocallipsi. Atau, an decidit avançar es minutes deth relòtge enquia solament dues menutes abans de mieja-net. Damb açò vòlen mostrar qu’es escesences d’aniquilacion dera umanitat ei aué tan reau coma pendent es annades 50 quan toti patien pera possible guèrra entre es Estats Units e era URRS.

Es tuits de Trump son un vertader perilh entara umanitat pr’amor dera sua retorica damb Kim Jong-um, çò dideren es scientifics.

Eth Panèu scientifics – qu’a diuèrsi especialistes de tota era planeta e tanben enquia 15 guanhadors deth Premi Nobel – a volgut avançar eth relòtge entà alertar ara umanitat des perilhs qu’auem aué e que son fòrça reaus. Se eth relòtge arribèsse as 00.00 h serie era fin dera umanitat per causes nuclears.

“Aguest an era discussion siguec sus es declaracions deth president Trump – çò diguec Rachel Bromson – presidenta deth panèu-. Es tuits de Trump son un vertader perilh entara umanitat pr’amor dera sua retorica damb Kim Jong-um. Cau acabar damb açò d’un còp”.

A mès des relacions des Estats Units damb Corèa, es scientifics tanben an parlat des d’aqueth país damb Russia e Iran. “Non an agut succès contra es pejors amenaces deth futur dera umanitat. Açò ei terrible. Era utilizacion dolenta dera tecnologia dera informacion non ajude es democràcies e atau son mès fèbles – çò digueren es scientifcs –“.

Eth present ei fòrça perilhós

“Non podem comparar era nòsta epòca damb autes- çò diguec eth fisic Lawrence Krauss-. Auem volgut, òc ben, hèr ua declaracion entà alertar toti qu’eth mon ei mès e mès perilhós. I a parallelismes damb 1953 e era question dera unitat europèa tanben ei un perilh”. Segontes açò eth relòtge en 1991 marcaue 17 minutes abans des 00.00 h. E dempús 2010 se tòrne a avançar.

Especialistes scientifics deth Panèu Mondiau entath Relòtge dera Apocallipsi an decidit avançar es minutes enquia dues menutes abans de mieja-net.

Aguesta annada, amés deth risc de guèrra nuclear, es scientifics tanben an valorat qu’eth clima ei mès caud. Es annades 2015, 2016 e 2017 sigueren es mès caudes dera istòria (Sapiéncia ja n’auie informat). E era administracion Trump, damb es sòns politics negacionistes, son segontes aguesti scientifics deth panèu Nuclear un aute perilh entara umanitat.

Eth Panèu siguec fondat per un grop de scientifcs americani qu’auien participat en eth projècte Manhattan. Era idèa de lançar un Relòtge deth Judici Finau enta alertar era humanitat ei de 1947. Pendent era sua prumèra edicion eth relòtge marcaue es 23:53, e en 2015 es 23:47 mès dempús 2007 eth canvi climatic comencèc d’èster tanben considerat un perilh reau entara umanitat. Ath sòn cant, n’i a tanben d’autes qu’aué son fòrça reaus, coma era ciberguèrra o eth bioterrorisme.

Era Redaccion

Aguest article ei publicat gràcies a un acòrdi de cooperacion damb www.aranes.club, era pagina web entà apréner aranés de forma gratuita

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.

LEAVE YOUR COMMENT

L'adreça electrònica no es publicarà. Els camps necessaris estan marcats amb *