Home ISTÒRIA 10.000 ANS DE CONTINUITAT GENETICA
10.000 ANS DE CONTINUITAT GENETICA
0

10.000 ANS DE CONTINUITAT GENETICA

0

Una descobèrta estonanta. La continuitat genetica d’ancianas populacions qu’arribèron a America del Nòrd fa 10.000 ans es reala en los nadius americans d’uèi lo jorn. Aital o a confirmat un nòu estudi fach per una còla scientifica de divèrsas universitats estatsunidencas. La populacion nativa d’America del Nòrd-Oèst a lo meteis ADN que los primièrs umans que i arribèron fa mai de 10.000 ans.

la sciéncia confirma las tradicions oralas qu’an agut pendent milièrs d’ans los indigènas d’Alaska.

L’estudi, totun, solament o pòt confirmar per la populacion nativa indigèna del sud d’Alaska e la còsta de Colómbia Britanica. E mòstra que i a una continuitat genetica pendent milièrs e milièrs d’ans. “Podèm confirmar que es la meteissa populacion que viu en una partida del mond a travèrs de mai de 10.000 annadas – çò diguèt un dels autors de l’estudi, Ripan Malhi, antropològ de l’Universitat d’Illinois -. Maugrat la descobèrta aquestas ancianas populacions qu’arribèron a America an una istòria plan complèxa”.

Lo nòu estudi contunha d’autres anteriors qu’avián mes l’atencion en l’ADN mitocondrial e que solament es passat de maires a filhas. Aquel marca la linha mairala e se solament es estudiat aqueste i a d’informacions dels ancessors que se pòdon pas pèrdre.

Caliá un estudi genetic mai complèt

Per aquò los scientifics estudièron las donadas geneticas de Shuká Káa (una paraula Tlingit que vòl dire Òme abans de Nosautres), un individú ancian trobat dins la balma d’On Your Knees, al sud d’Alaska e que i demorèt fa 10.300 ans. E mai, analizèron lo còdi genetic de plusors autres individús de la còsta de Colómbia Britanica e que demorèron entre fa 6.075 e 1.750 annadas.

“Es plan interessant – çò confirmèt Brian M. Kemp, antropològ de L’Universitat d’Oklahoma e autor tanben de l’estudi -. Los gèns mitocondrials de Shuká Káa tanben èran los meteisses d’un autre individú que visquèt fa 6.000 annadas. Amb aquò comencèt tot”.

Maugrat aquela descobèrta, aqueste gèn desapareguèt dins l’istòria lèu. Lo nuclèu d’ADN suggerissiá qu’èra arribada una autra populacion mas se una femna a pas de filhas e solament filhs, l’ADN mitocondrial passa pas a la seguenta generacion. Shuká Káa passèt pas los lors gèns. O faguèron. De segur, los lors familhars. Per ansin los scientifics virèron la sieuna atencion cap al nuclèu d’ADN que pòt balhar plan mai d’informacion sus los ancessors d’una persona.

“L’ADN mitocondrial e lo cromosoma Y balhan d’istòrias estonantas mas tanben conflictivas – çò soslinhèt Michael DeGiorgio, biològ de l’Universitat Estatala de Pennsilvània-. Totun, lo genòma nuclear balha una informacion mai complèta sus la linha genetica umana”.

La populacion nativa d’America del Nòrd-Oèst a lo meteis ADN que los primièrs umans que i arribèron fa mai de 10.000 ans.

E foguèron descobèrts mai d’un linhatge genetic en America de fa 10.300 ans. Los descendents d’aqueles òmes e femnas encara vivon uèi dins la region, çò confirmèt Rosita Worl, directora de l’Institut de l’Eiretatge de SeaAlaska, en Juneau.

Al delà, l’estudi tanben es lo fruch d’un long procès de participacion e collaboracion entre los scientifics e plusors grops nadius de l’airal que volián conéisser los lors ancessors. Ara ja pòdon dire que la sciéncia confirma las tradicions oralas qu’an agut pendent milièrs d’ans los indigènas d’Alaska.

“Los primièrs analisis confirmèron que la populacion actuala a coma ancessors dirèctes los primièrs òmes qu’arribèron a la region fa mai de 10.000 ans – çò apondèt Worl-. La sciéncia doncas confirma d’istòrias ( qu’abans èran solament legendas – dels Tlingit d’Alaska”.

Benlèu tanben se debanarà lo cas en d’autres grops nadius americans. Totjorn s’es estat dich que dins una legenda i a una partida de vertat. Ara, la sciéncia o confirma. Estonant. L’estudi es estat publicat en Proceedings of the National Academy of Sciences.

La Redaccion

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.

LEAVE YOUR COMMENT

L'adreça electrònica no es publicarà. Els camps necessaris estan marcats amb *