Home SCIÉNCIA UN ASTEROÏDE ( O PAS)
UN ASTEROÏDE ( O PAS)
0

UN ASTEROÏDE ( O PAS)

0

La comunautat astronomica a dubèrt, ongan, una discussion scientifica qu’encara es pas finalizada. Quora trobèron çò que semblava èsser un asteroïde, nomentat Oumuamua, la NASA afirmèt lèu la sieuna origina dins una autra galaxia mas diguèt qu’era un objècte natural. Ara, una còla d’Harvard cre que poiriá èsser una mission de reconeissença d’una civilizacion d’un autre planeta.

Oumuamua dintrèt al Sistèma Solar e prèp del Solelh, cambièt d’un còp la trajectòria e la velocitat e apuèi marchèt.

Oumuamua foguèt descobèrt pel telescòpi Hubble en octubre de 2017. Alavetz aviá dintrat dins lo Sistèma Solar e aviá una forma longa e prima. Totun, e segon arribava al Solelh, comencèt d’accelerar la sieuna velocitat e, d’un còp, cambièt la trajectòria per evitar lo nòstra estela. Apuèi, dessapareguèt.

Oumuamua vòl dire en hawaiian “lo primièr messatgièr” e amb aquò los cercaires que lo nomentèron volguèron mostrar aital lor dobte sus la sieuna origina. La confirmacion que poiriá plan ver una origina artificiala e pas naturala venguèt de tres astronòms de granda reputacion del centre d’astrofisica d’Harvard-Smithsonian, un fach contrari a çò que ditz la NASA.

Segon aquesta, Oumuamua auriá viatjat per l’espaci pendent de milions d’annadas mas de còps pòt arribar a gaireben 300.000 quilomètres/ora. Totun, los astronòms Shmuel Bialy e Abraham Loeb, d’Harvard estudièron prigondament l’asteroïde e desvolopèron de conclusions estonantas: la sieuna acceleracion es pas comuna e tanpauc la sieuna forma. Segon la NASA Oumuamua auriá accelerat pr’amor de la gasificacion del glaç que i auriá jos l’asteroïde mas aquestes astronòms d’Harvard demandan ont es alavetz la coa qu’auriá laissat se foguèsse aital.

Un cambi de trajectòria estonant

Segon la NASA Oumuamua, en tot arribar prèp del Solelh auriá gasificat lo glaç que i auriá jos l’asteroïde e aqu`auriá provocat un cambi dins sa velocitat. Dempuèi harvard, çò avisan, aquò explicariá pas lo cambi de trajectòria mas solament de velocitat. Qual a rason?

Oumuamua fa mai de 800 mètres de longor e 80 mètres d’amplor. E foguèt estudiat amb lo programa Cèrca d’Intelligéncia Extraterrèstra.

Oumuamua fa mai de 800 mètres de longor e 80 mètres d’amplor. Es estat estudiat atanben amb lo programa SETI de Cèrca d’Intelligéncia Extraterrèstra. E totes los scientifics an una conclusion desparièra.

Çò qu’es segur es que dintrèt al Sistèma Solar e que veniá d’una autra galaxia e que prèp del Solelh, aprèp laissar endarrièr Mercuri, cambièt d’un còp la trajectòria e la velocitat e marchèt del nòstre Sistèma Solar. Es estat lo primièr objècte (artificial o natural) jamai descobèrt en dintrar dins lo nòstre sistèma planetari.

Los scientifics contunhan la discussion pr’amor que los astronòms d’Harvard publiquèron son trabalh en de numerics prestigioses coma Astrophysical Journal Letters o Scientific American. Qual a la rason ? Se saurà pas jamai pr’amor qu’Oumuamua es pas pus dins lo nòstre Sistèma Solar.

La Redaccion

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.