SOLAMENT 4.000 ANNADAS A
Se qualcun demanda situar animaus gigants com los mamots a la Tèrra, l’epòca causida plan entenut que serà la Preïstòria. Totun, pas guaire personas saben que los mamots tanben viscón dinc a temps relativament pròches. E se qualcun digó que lo mamot estó un mamifèr qui viscó dinc a hè solament 4.000 annadas, aquò de mei segur qu’ei demorar estonats.
Qu’ei lo resultat deu darrèr estudi hèit entà analisar la darrèra populacion de mamots de la planeta, qui viscón a l’isla de Wrangel, en Siberia, dinc a solament 4.000 annadas a. Qu’ei quasi lo medish temps qui quan los egipcians bastivan las piramidas e los sumerians que començavan de crear lo lor empèri. Ei aquò possible ?
Pas solament possible, mes scientificament reau, e aquera populacion qu’estó establa dinc a hè solament 4.000 annadas, quan comencè de viéner mei e mei petita e qu’arribè a l’extincion finau en aquera epòca.
Mamifèrs modèrns
Atau, e segon aqueth estudi, lo mamot, conegut dab lo nom scientific de Mammuthus primigenius, que vienó isolat a l’isla de Wrangel, en Siberia, adara haut o baish 10.000 annadas a. Mes los cercaires que descobrín qu’i viscó au long de 200 generacions, e que la lor populacion demorè establa dinc a hè solament 4.000 annadas, quan l’espècia pateish un lèu escandilhament.
Entà poder arribar ad aqueth resultat los cercaires, ua equipa de suedés, qu’analisè dinc a 21 gèns diferents de mamot d’aquera isla e qualcunes mei deu continent. Descobrir aqueth hèit que provoquè tanben l’estonament deus cercaires.
“Adara dejà que podem díser qu’estó ua populacion establa de mamots dinc a la soa fin. Dinc ací qu’èra estat dit qu’estó ua populacion plan petita shens guaire diversitat genetica que s’escandilhèt pr’amor d’aquerò e d’autas rasons naturaus, çò digó Love Dalén, deu centre Paleogenetic d’Estocòlme. Mes n’estó pas atau e aquò que vòu díser que’s debanè quauquarren qui provoquè la soa extincion, mes que, shens aqueth hèit, enqüèra uei i auré mamots.
L’estudi que balhè ua vision navèra sus las darrèras 50.000 annadas a Euròpa e demostrè que la diversitat genetica deus mamots cambiè pas briga pendent aqueth long temps. Solament adara 4.000 annadas a, los mamots de l’isla de Wrangel comencèn de pèrder diversitat genetica e pas abans”.
Totun, aqueths cambiaments genetics qu’èran petits a cada generacion e pr’amor d’aquerò la populacion de mamots de l’isla de Wrangel que demorè establa dinc a la fin . “4.000 annadas a los mamots que comencèn de patir grèvas mutacions geneticas qui provoquèn lo son escandilhament finau, mes pas abans, çò confirmèn los cercaires ».
Atau, qu’ei ua descobèrta estonanta, pr’amor que demòstra que, shens aqueth hèit, uei enqüèra que i auré mamots, que las mutacions dens ua espècia son plan longas au temps e que lo mamot ei ua espècia preïstorica qui tanben viscó en temps plan pròches, pr’amor que n’i avó dinc a solament 4.000 annadas a. L’estudi qu’estó publicat au numeric Cell.
La Redaccion
