ES DESCOBÈRTA UNA NÒVA ESPÈCIA D’ICTIOSAURE EN COLÓMBIA
Es estada descobèrta una nòva espècia d’ictiosaure en Colómbia. Segon los paleontològs, lo nòu reptil marin trapat aperten a la familha dels oftalmosaurides e al genre Platypterygius e visquèt fa aperaquí 125 milions d’ans.
Los oftalmosaurides foguèron una familha d’ictiosaures que visquèt entre los periòdes del Jurassic e lo Cretacèn. N’i aguèt per tota la planeta e los primièrs especimèns trobats an ja una edat de mai de 170 milions d’ans. Fins ara son estadas classificadas doas linhas ; la primièra includís los genres Aerirosaurus e Oftalmosaurus e la segonda tres genres ; Braquipterigius, Caypullisaurus e Platypterygius, l’espècia ara descobèrta.
La descobèrta d’una nòva espècia
Segon, María Páramo-Fonseca, geològa del Musèu geologic Nacional de Colómbia José Royo y Gómez, « la morfologia del nòu especimèn ara trobat balha coma resulta un nòu genre. Las diferéncias entre aqueste especimèns e d’autres del genre Platypterygius demòstra qu’es una nòva espècia e l’avèm nomenat Platypterygius elsuntuoso.”
Cal remembrar que los fossil d’un subadult e d’un jove de l’espècia Platypterygius elsuntuoso ja foguèron trobats en 1999 per de cercaires de la Fundación Colombiana de Geobiología. Un dels especimèns a un cran entièr e d’autres elements axials, qualcunas vertèbras e tanben plusors falanjas. « L’especimèn pus important foguèt trobat al puèg de La Cabra, al nòrd-èst de Villa de Leiva, en Boyacá, en Colómbia, prèp de la formacion de la Paja, çò soslinhèron los cercaires ».
D’aquela formacion los cercaires n’aguèron divèrses especimèns. Qualcunes aguèron coma nòm provisional Acanthoptychoceras. Totun, los cercaires restaquèron après los òsses fossils d’aquel especimèn trobat amb d’autres d’autras espècias d’ictiosaure que visquèron pendent lo Jurassic e lo Cretacèn e arribèron a la conclusion qu’èra una nòva espècia.
“Platypterygius es doncas un nòu genre qu’a coma traches principals vaer de pautas anterioras plan caracteristicas a mai d’una amassada d’osses plan especiala al cran, çò confirmèron los geològs ». Per ansin, lo genre del platydactylus ara demòra aital, devessida en 7 espècias ; Platypterygius platydactylus, Platypterygius americanus, Platypterygius australis, Platypterygius hercynicus, Platypterygius sachicarum, Platypterygius birjukovi e Platypterygius elsuntuoso.”
Pr’amor d’aquò los scientifics afirman ara que lo genre Platypterygius foguèt un genre global que s’espandiguèt per totes los mars e oceans de la planeta de l’epòca e que conquistèt lèu l’ecosistèma marin. La classificacion e estudi del nòu fossil colombian foguèt publicada al numeric Earth Sciences Research Journal.
La Redaccion
Fotografia principala: Dimitry Bogdanov/CC.
