QUAND AVÈM PERDUT LA COA
Fin finala, la sciéncia pòt ja afirmar plan quand los umans, coma espècia avèm perdut la coa. La qüestion èra plan importanta, pr’amor que los umans avèm pas de coa, mas sèm l’excepcion a totes los primats. Perqué ? Una nòu estudi aufrís de responsas claras car avèm patit una mutacion genetica fa aperaquí 25 milions d’ans qu’entraïnèt la pèrta de la coa.
L’estudi foguèt realizat per de cercaires de l’Escòla de Medicina de Grossman, qu’aperten a l’Universitat de Nòva York. Segon l’estudi, los umans avèm patit una mutacion del gèn TBXT e publicat al numeric Nature, confirma que foguèt alara quora avèm perdut la coa. Foguèt aquela mutacion qu’arrestèt la creissença de la coa dels nòstres ancessors.
Una mutacion genetica
De soslinhar que la genetica es aquela sciéncia que permet deschifrar los mecanismes interiors dels organismes. Ara lo nòu estudi dels cercaires de Grossman confirma quora aquò se debanèt après identificar la mutacion genetica d’aquel gèn. Pr’amor que fa 25 milions d’ans los ancessors dels umans e dels grand primats perdèron la coa coma resulta de la mutacion.
Lo gèn TBXT es plan important pendent la formacion de la colomna vertebrala e l’ordre de las vertebras caudalas. Mas i a una falta d’ADN en çò dels primats amb coa. Aquò vòl dire que i a un ligam dirècte entre aquesta modificacion genetica e la falta de coa en d’umans e grands monards. E los cercaires ara n’an trapat quand passèt aquela mutacion.
La descobèrta atanben entraïna cambiar la pensada sus lo ròtle qu’an los elements nomenats alu. Son de seqüéncias repetitivas plan abondantas al genòma dels primats. Pòdon provocar de cambiaments genics e an una granda influéncia en l’evolucion de las espècias. Pels cercaires aqueles elements cambièron cossí es legida aquela informacion genetica pendet l’estat embrionàri.
L’arribada d’elements alu al gèn TBXT entraïnèt un cambiament genetica màger. Car provoquèt de problèmas en l’ARN messatgièr. Aqueste, abans de venir proteïna pòt cambiar. Alara lo procés genetic cambièt e un sol gèn pòt aital balhar lo còdi genetic a desparièras proteïnas. E quand lo mecanismes es cambiat per d’elements alu la proteïna TBXT tanben cambièt. E pr’açò, fa 25 milions d’ans los ancessors dels umans perdèron la coa, pas mai, pas mens.
La Redaccion
Fotografia principala: Rod Waddington/CC.
