
L’efièch Mandela es un dels fenomèns mai curioses de la memòria collectiva. Lo tèrme foguèt creat per la blogaira Fiona Broome en 2009, e descriu l’experiéncia estonanta de remembrar eveniments diferentament de çò que se passèron realament, mas amb una estranhesa: aqueles remembres falses son partejats per de personas multiplas. Nelson mandela es remembrat en mòrt a preson a la decada de 1980, mas foguèt realament liberat en 1990 e moriguèt en 2013. Aquel fenomèn met en question la nòstra fisança en la memòria e provoquèt de teorias sens fin en psicologia, neurosciéncia e fisica quantica. Mas qué provòca lo fenomèn e perqué se debana?
L’efièch Mandela
Lo primièr còp que se parlèt de l’efièch Mandela foguèt quand Fiona Broome descriguèt la sieuna cresença qu’aviá vist de notícias de la mòrt de Nelson Mandela a la decada de 1980. Foguèt pas la sola a pensar aquò, de centenats de personas tanben remembravan lo fach e amb de detalhs especifics. E aquò entraïnèt lo començament de l’interès per aquel fenomèn de memòria collectiva.
Dempuèi, l’efièch Mandela ganhèt popularitat en internet, ont de comunautats entièras discutisson de cases similars de remembres comuns pas vertadièrs. Los cercaires ara se demanan, cossí es possible remembrar lo meteis eveniment malgrat que siá pas vertat ?

Qualcunes exemples de l’efièch Mandela son Darth Vader en Star Wars, que diguèt pas jamai la frasa “Luke, soi ton paire”. L’expression vertadièra es “Non, soi ton paire”. L’error es vengut popular. Pikachu de Pokémon auriá una punta negra sus la sieuna coa, e mai se en realitat la coa es totalament jauna. L’Òme del Monopòli a pas un monocle, e jamai l’a pas portat. “We Are the Champions” de Queen: acaba pas amb “del mond”, e mai se la frasa es pas a la fin de la version originala.
De Nòva Zelanda fòrça personas remembran de biais marrit qu’es al nòrd d’Austràlia, quand en realitat es al sud-èst. Lo còp d’Estat del 23-F en Espanha: sonque foguèt difusat a la ràdio mas fòrça personas creson o aver vista a la television. Son de cases que meton en evidéncia la fragilitat de la nòstra memòria e la sieuna capacitat d’èsser formada en foncion d’influéncias extèrnas collectivas.
Per o explicar, los cercaires dison que se pòt far de biais psicologic o de biais pseudoscientific. Segon la psicologia, lo fenomèn pòt èsser atribuit a de suggestion e d’influéncia collectiva. Quand una persona remembra quicòm de biais fals, d’autres pòdon tanben l’adoptar coma sieu.
Los remembres son pas de fotografias estaticas; son totjorn reconstruchas e pòdon èsser modificadas per d’estimuls extèrnes, coma de convèrsas o de mèdias. Lo biais de confirmacion renfòrça nòstra cresença en de remembres erronèus en cercant d’informacions que las validan, e ignorant las pròvas al contrari.
A nivèl pseudoscientific, qualcunes prepausan que l’efièch Mandela es una pròva d’univèrses parallèls o realitats alternativas. Segon aquò, de remembres falses serián la resulta de connexions temporalas entre diferentas linhas de temps. E mai se aquelas idèas an cap supòrt scientific, mas son plan popularas.
Lo fenomèn a impregnat prigondament la cultura populara. De filmes, de libres e de serias l’an explorat coma partida d’intrigas que creson pas la percepcion de la realitat. Un exemple es l’utilizacion de concèptes similars a la saga de sciéncia-ficcion Matrix , qu’aufrís la possibilitat de viure en una simulacion.
La memòria es un procès dinamic e complèxe. Segon los expèrts, l’efièch Mandela se debana pr’amor de la natura reconstructiva dels remembres. Quand remembram quicòm, lo nòstre cervèl recupera pas una còpia exacta, mas la reconstruís en foncion de tròçes e lo contèxte actual. Lo procès es susceptible d’errors, mai que mai quand de divèrsas personas creson quicòm semblable. Cal aver “una istòria” per remembrar los eveniments del passat. E se l’istòria existís pas, es inventada.
D’estudis recents an ensajat d’explorar los remembres falses partejats en utilizant d’experiéncias contrarotladas. Las resultas indican que sonque quand las personas an accès a una informacion corrècta, pòdon persistir a causir la version incorrècta a causa de la fisança en la sieuna memòria e de la pression sociala.
Pasmens, l’efièch Mandela es un avís : la nòstra percepcion de la realitat es pas totjorn fisabla. Es un fenomèn fascinant, que tanben provòca de questions importantas sus la vertat dels nòstres remembres e cossí la memòria collectiva es bastida.
Analisat scientificament o culturalament, lo fenomèn es un miralh de la nòstra relacion complèxa amb la memòria e la realitat. E ne parlar es tanplan un biais de questionar cossí interpretam lo mond. Car la nòstra memòria es una soma de la nòstra experiéncia personala e las influéncias al nòstre torn.
La Redaccion
Fotografia principala: South African Good News/CC