La renha feròtja e estatista del partit bolchevic, conegut cinicament jos lo títol de “Partit Comunista de l’Union Sovietica”, foguèt ara consolidada, e aprèp la mòrt de Lenin en 1924 una lucha pel poder de l’estat seguissiá entre Trotsky e un jove seminarian, Josef Vissarionovich Djugashvili – Stalin.
Stalin aviá servit los Bolchevics coma terrorista pendent las annadas finalas tsaristas: fasent esclatar los camins de fèrre, eca. Èra veteran de las presons imperialas. Aviá una carisma e poder “espiritual” que Trotsky aviá pas. Lo PCUS èra lèu al costat del novèl arribat, e Trotsky foguèt obligat de se fugir oltramar. Foguèt assassinat en Mèxic tre 1940.
Se Trotsky imaginava la revolucion en Russia una revolucion “socialista”, Stalin sabiá qu’aquò èra un mite. Sabiá que la tasca èra de transformar una economia paisana e medievala en economia modèrna, industriala e capitalista. Totun, manteniá lo vocabulari imbecil de Lenin. Aquò servissiá de confusar los obrièrs del mond e los seduire luenh del socialisme vertadièr e vèrs l’ideologia bolchevica del PCUS e vèrs sos partits “Comunistas” de pertot.
La nòva ideologia sovietica
Servissiá tanben la borgesiá de l’oèst, que podiá dire a sos obrièrs, “Esgardatz la! Lo socialisme (comunisme) es una tirania!” D’efièch, los Bolchevics eles meteisses avián devenguts la novèla classa capitalista de Russia. Aqueste capitalisme d’estat foguèt ara apelat “lo socialisme.”
Las annadas 1930 lo PCUS foguèt purgat dels Leninistas qu’avián imaginat que l’objècte del partit siá lo comunisme. Bukharin, per exemple, l’autor de L’ABC del comunisme, aviá plaidejat a Lenin atal: “Alara, quand anèm abolir l’argent?” Bukharin e los autres pagavan ara per lor naivetat ab lor vidas.
Afin de crear una classa proletaria majoritària per trabalhar dins las usinas e sus la tèrra del novèl estat capitalista los paisans foguèron despossedits en massa. Una revolucion accomplida en Granda Bretanha a travèrs de quatre sègles foguèt acomplida en Russia dins un nombre d’annadas, gràcias a las presons de trabalh, las “comunas”, e las execucions en massa.
Tre 1939, l’Union Sovietica foguèt presta a participar en una guèrra mondiala ab los autres poders capitalistas.
Anthony Walker*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
