MÈS DIOXID DE CARBÒNI QUE JAMÈS
Eth CO2 ei ath nivèu mès naut des darrèrs 14 milions d’annades. Era causa èm nosati, es umans, qu’avèm provvocat aquera chifra en sonque es darrères decades. Dempús de conéisher aguestes orribles chifres, sonque podem demandar : quines seràn es consequéncies ?
Eth darrèr còp qu’eth CO2 auec eth madeish nivèu qu’aué passèc hè 14 milions d’annades. Aguest ei eth resultat deth darrèr estudi hèt sus eth CO2 ena planeta pendent set annades per mès de 80 cercaires de tot eth mon. Er estudi siguec publicat ena revista online Science.
Un estudi prigond
Atau, e damb er objectiu de conéisher çò que passèt entà poder conéisher çò que pòt passar, es cercaires an hèt diuèrsi estudis der aire que i a en es glacièrs de mièg mon e n’an analizat era composicion. Tanben an estudiat fòrça era composicion quimia des depaus oceanics mès tanben eth registre fossil des plantes dera planeta.
Cau rebrembar qu’ena annada 1700 es nivèus de CO » mondiaus èran de 280 arts per million. Aué son ja de 442 parts per milion, açò ei eth nivèu que i auec hè 14 milions d’annades. Eth nivèu que i poirie auer en 2100 serie de 700 parts per milion, çò ei eth madeish nivèu que i auec hè 55 milions d’annades.
Es cercaires avisèren qu’era temperatura mès nauta que jamès i auec ena Tèrra, açò ei hè 50 milions d’annades, es nivèus de CO2 sigueren de 1.600 parts per milion. E era temperatura siguec alavètz 12 gras mès nauta qu’aué.
Era Redaccion
