Qu’ei estonant, enqüèra uei, véder com ei negat lo cambiament climatic solament dab l’avís de cadun. Entà demostrar qu’aqueth cambiament ei reau e plan pregond au monde, solament cau anar au Caishmir indian, on la fauta de nèu d’aquera annada poiré provocar ua grèva crisi au sector toristic d’aqueth país. Montanhas com las de Gulmarg son pas mei visitadas pr’amor de la fauta de nèu.
Manzoor Ahmad que tribalhè dens un otel de Gulmarg, situat en Caishmir, pendent las 17 darrèras annadas, e confirma que jamei avó ua annada shens nèu a l’ivèrn. Mes aquera annada las montanhas n’an pas nèu e tots considèran qu’aquò qu’entrainarà ua grèva crisi economica a la region, que depend plan deu torisme internacionau car n’i a pas mei toristas.
Pr’amor que, cada annada, milèrs de toristas visitan lo Caishmir pr’amor de la nèu e lo son desir d’esquiar. Mes, shens nèu, l’industria de l’esquí regionau que comencè de patir ua grèva crisi. Cada annada i arribavan mei de 100.000 toristas pendent lo mes de genèr. Aquera annada solament n’arribè la mieitat.
Segon mantun expèrt, la fauta de nèu provocarà ua grèva grisi economica au sector deu torisme, que representa dinc a un 7% de l’argent que recep cada annada l’estat indian de Jammu e Caishmir. Tanben entrainarà fauta d’aiga, e pr’amor d’aquerò, las bòiras de la region que son de mei en mei inquiètas.
Ua grèva crisi a tota la region
Segon mei d’un organisme ecologista, lo cambiament climatic provoquè dejà ua grèva crisi a tota la region, pr’amor de la calor que i a pendent l’ivèrn e qu’ei hòrt mei hauta en estiu. Segon lo governament de Jammu e Caishmir, la fauta d’aiga qu’estó dinc a un 79% mei hauta en deceme e dinc a, haut o baish, un 100% uei, e comencè lo genèr de l’annada precedenta.
Totas las vaths de Caishmir que pateishen, uei un climat dinc a 8 grads mei haut e l’ivèrn donc ei plan suau. N’i a pas mei toristas ni deus esquiaires. “Qu’avèvam dinc a un 40% mensh de resèrvas de toristas als otels, dit Aqib Chaya, president deu sector toristic. E lo futur, que poiré vàder mei escur si i a pas mei resèrvas”.
Qu’ei un espectacle plan triste, çò digó d’un aute costat lo torista Get Kumar, que visitè Caishmir peu purmèr còp aquera annada. La tòca qu’èra poder véder la nèu e la gaudir, mes n’i a pas mei nèu a Gulmarg”.
Entà Tariq Ahmad Lone, que dirigeish l’associacion de chivaus de la region, los tribalhaires poguèron pas ganhar guaire argent los darrèrs tres mes. Pr’amor que i a pas guaire toristas aquera annada. Sans la nèu, ce ditz, que poiré arribar la fauta d’argent e donc la misèria. E i a centenars de familhas deu lòc que l’an de besonh entà subervíver.
Çò de meteis qu’arribè en genèr d’aquera annada entaus professors d’esquí deu lòc. Shens nèu, poguèron pas balhar nada classa e çò qu’ei péger ei que, aprés près de 30 annadas de profession, non pòden o non saben pas com contunhar. La fauta de nèu tanben provocarà problèmas a l’industria idroelectrica, a las bòrdas de peissum aus fluvis e a las bòrdas locaus.
Ladak, lo país vesin, tanben patís la fauta de nèu. Qu’èra un país plan visitat peu torisme pr’amor qu’estó un país independent dinc a la neishença d’Índia en 1947. Mes adara los glacèrs que pateishen ua honuda grèva e n’i a pas mei nèu a l’ivèrn. Çò que tanben provocarà greùs problèmas entaus abitants pendent la prima.
Que cau raperar que Ladak ei un territòri indian que recep ploja pendent mei de 40 dias pendent l’ivèrn. Aquò qu’entraina aiga entà tota la region abans de l’arribada de l’estiu, qu’ei plan sec e caud. Mes lo declin de la nèu que comencè dejà hè, au mensh, duas annadas.
“Abans de 1990 i avèva dinc a un mètre de nèu a l’ivèrn e demorava dinc a la prima, çò ajustè lo cercaire Shakil Ahmad Romshoo. Mes adara l’ivèrn qu’ei sec. E Caishmir qu’ei ua de las regions dera planeta que mei patís lo cambiament climatic”.
Segon un estudi recent, Caishmir poiré arribar a nivèus de catastròfa aquera annada dab dinc a 6 gras mei de calor abans de la fin de sègle. E los abitants, que perdón l’espèr de véder un còp de mei nèu a las montanhas. Totun, qualcuns cercaires son mei optimistas e pensan que la natura tornarà la nèu a Caishmir e Ladakh ua annada o auta. Nosauts tanben, qu’avem aqueth desir, e qu’esperam que la situacion vàdia pas mei problematica pr’amor d’un cambiament climatic qu’ei mei reau e pregond.
La Redaccion
