Uèi dijaus 27 de març lo CIRDOC qu’organiza una conferéncia a 19h al Cafè Aqueras montanhas, de La Ciutat 5-7, carrièra de La Fontaine 64000, a Pau amb lo títol : Jan Dau Melhau que’ns conta la poèta Marcela Delpastre Dens l’encastre deu Centenari Marcela Delpastre e de la Prima deus Poètas.
Atau, lo CIRDOC – Institut occitan de cultura, en associacion dab la Ciutat, que’vs convida a ua serada dedicada ad aquera figura emblematica de la literatura contemporanèa occitana, Marcela Delpastre, Vaduda en 1925 au bordalat de Germont on acabarà la soa vita dens la bòrda familiau.
Ua poèta lemosina
Paisana mes tanben etnològa e poèta, Marcela Delpastre (1925-1998) qu’obsèrva lo monde paisan e los paisatges lemosins qui càmbian a l’entorn d’era e qu’ac conta dens las soas duas lengas mairaus, l’occitan e lo francés. Jan dau Melhau, amic e editor de Marcela Delpastre, mes tanben escrivan e contaire lemosin ,que’vs perpausa un viatge literari capvath los tèxtes, la vita e l’imaginari d’aquera artista exceptionau e singulara.
La serada que’s debanarà au cafè de la Ciutat, Aqueras Montanhas, e que’s clavarà per ua discussion a l’entorn d’un aperitiu conviviau. Entà n’apréner mei sus Marcela Delpastre, la nòstra Poèta e paisana, que serà vededera deu 15 au 29 de març de 2025 a Aqueras Montanhas e a l’Espaci Lecturas e Descobèrtas a la Ciutat de Pau. La persona de contacte al CIRDOC – Institut occitan de cultura qu’ei Marie Toulouse ; m.toulouse@oc-cultura.eu o telf. 05 59 13 06 40.
La Redaccion
Fotografia principala: Flo641/Wikipedia
