Manjar de frucha e d’ortalissas es plan bon (e necessari) per la nòstra santat. Aquò es un fach conegut. Mas que ne manjar foguèsse tanben bon per la santat mentala èra pas tant conegut. Per o confirmar un nòu estudi scientific, que soslinha que manjar solament una peça jornalièra de frucha o d’ortalissas pòt balhar d’importants beneficis per la nòstra activitat mentala. Benlèu mai encara que marchar o córrer.
A mai, manjar de frucha e d’ortalissas dona de beneficis pel cervèl a long terme mas atanben a cuèrt terme. Es çò qu’arriva après la publicacion d’un estudi fach sus 40.000 personas al Reialme Unit: manjar aqueles aliments es totjorn plan per la santa generala mas atanben per la nòstra activitat mentala.
La còla de l’Universitat de Leeds que faguèt l’estudi analizèt la dièta e las costumas de mai de 40.000 personas pendent un periòde long de temps. A mai, foguèt tanben estudiada lor edat, educacion, posicion social e familiara, trabalh, estil de vida e santat. Caliá apuèi aver de conclusions e quora aquò foguèt fach venguèt la suspresa.
Cal manjar una peça de frucha cada jorn
L’estudi demostrèt que calia manjar de frucha e d’ortalissas per aver atanplan una bona santat mentala. Mas quala quantitat? Los scientifics tanben poguèren balhar una responsa. Cal manjar au mens una ortalissa o peça de frucha cada jorn.
Solament far aquò ja balhariá de beneficis gigants per la santat generala mas atanben mentala. Seriá coma marchar pendent uèch jorns cada mes ! Las satisfaccion amb la vida e la santat mentala de las personas èra doncas plan mai nauta que en de personas que normalament manjavan pas de frucha o d’ortalissas.
“Maugrat que cal contunhar l’estudi e o far d’una manièra pus prigonda, la resulta es tras que clara, çò diguèt Neel Ocean, cap de l’estudi. La gent que manja mai frucha e ortalissas an una màger santat mentala que los autres.
Totun, aquel estudi fach per de scientifics angleses es pas lo primièr qu’a aquesta conclusion. D’autres estudis realizats en Nòva Zelanda e Austràlia ja avián restacat manjar de frucha e d’ortalissas amb una melhor santat mentala e aquò a granda escala.
Una lectura simple d’aquel estudi doncas poiriá èsser que manjar de frucha nos balha bonur. Es bona per la nòstra santat corporala mas atanben mentala. E se foguèssem dins la natura manjariam fòrça mai frucha, un fach qu’uèi lo jorn arriba pas. Per las personas que an pas tanta satisfaccion amb la vida lo scientifics recomandan doncas manjar mai frucha e ortalissas.
En tot melhorar la nòstra dièta atanben o farà la nòstra percepcion de la vida pr’amor qu’aurèm mai santat corporala e mentala. Totun, encara cal descobrir la causa finala d’aquò e saber se son las vitaminas, la fibra o lo sucre. Cossí siá balhan de bonur.
La Redaccion
