III. La Memoria eiretada
Mentre que s’opausa al materialisme occidental e reduccionista, i a tanben ges de plaça per l’entitat permanenta e non-materiala qu’apelam “l’esperit” o “l’anma.” Dins lo bodisme aquò existís pas. I a ges de seu permanent (veire https://sapiencia.eu/las-doas-vertats/) car i a ges de separacion del seu de l’univèrs. Los materialistas reduccionistas de l’occident devon comprene que lor reduccionisme es ja esprovat anacronic – per mejan mesme de lor sciència modèrna! – car pausa una terminacion a l’existéncia (la mòrt) que lo materialisme se-meteis contraditz.
La matèria pou pas èsser destrucha. Nihil existís pas. La matèria pòt pas devenir nihil, e la matèria pòt pas èsser nascuda de nihil. L’anma es una foncion de la matèria.
Sabem que la matèria pensa e ressentís, car nosautres pensam e resentissem, e sèm la matèria – sens aucuna necessitat de prepausar una entitat permanenta (anma) e independanta de las leis de la fisica. Sem pasmensmaterialament eternals (las nòstras particulas), coma los soldats mòrts sul camp de batalha que manjam dins la forma de pan aprèp lo camp es estat cultivat de blat (Voltaire).
E, vist que la matèria pensa e ressentís, los tipes de la consciéncia devon èsser tan divèrses e diferents coma totes los fenomèns (dharmas) qu’existisson dins l’univèrs. La natura especifica de la nòstra consciéncia es dependenta sus la nòstra forma e n’es pas separada d’aquela.
Las fòbias de l’enfança
Foncionam, dins las nòstras sensacions, pensadas e los nòstras accions, en acòrd especificament ab l’estructura del nòstre sistèma nervós. La mòrt es alara una illusion, ansin que lo seu. Lo materialisme reduccionista, utiu pendent lo Sègle de Luses per combatre lo teisme, es pus valable dins lo lum de la sciència modèrna, e lo bodisme sabiá aquò despuei de milièrs d’annadas.
Atal cal examinar ab lo lum de la filosofia vertadierament materialista e novèla la memòria eiretada. Sabèm ja que la memòria fonciona geneticament – mas es pas tot. Dins los ventres de las nòstras maires passam per los estagis de la nòstra evolucion com espècia, e tre la nòstra naissença, la consciéncia qu’avèm es aquela tipica de la nòstra espècia, aquela de la branca dels monards dichs umans.
Ja dins la nòstra enfança son sentidas las fòbias e los desirs, diferents per cadun. Un grand nombre de lors originas podèm descobrir dins la nòstra enfança, e las consequéncias restan ab nosautres fins a la nòstra mòrt – l’amor, la paur; l’atraccion, la repulsion. Las originas d’autres podèm pas descobrir.
Plan son desrasonables, mas profonds. Perque aquel ome a paur d’una aranha inofensiva? Perque demòra sens espèr e violentament obsedit e impassionat pel regard d’uelh e la manièra personala d’aquesta femna, mas pas aquela? Son aquestes fenomèns las memòrias eiretadas de plan d’existéncias prenatalas e nonumanas?
Mesme pendent la nòstra vida correnta, partejam ja los trillions d’atòms ab los altres, vivents e mòrts, umans e nonumans, animats e inanimats. Los trillions d’atòms intran dins nòstres palmons, fan l’arrèst dins los nòstres organs, son respirats e transpirats, portats e laissats pels millions d’èstres – atoms pel present tenguts aquí per l’atmosfèra de la planeta … mas un jorn volent de granda velocitat vèrs las estelas d’ont sèm venguts.
Anthony Walker*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
