Se ben aquò èra ja un fach que totes mai o mens coneissiam un nòu estudi confirma que los òmes an mai d’orgasmes que las femnas. E luenh de demorar sonque aital, l’estudi tanben explica perqué las femnas gaudisson mens del sèxe, e la causa es estonanta.
Ja fa decadas que se’n parla. Se ditz pertot que quan i una trobada sexual entre un òme e una femna aquela gausirà pas tan coma lo primièr. La tòca d’amdebos es desparièra e doncas las resultas atanben. L’òme cerca una sola causa, lo plaser final (la majoritat d’òmes almens) e la femna cerca d’autras tòcas. Es logic pensar que la resulta finala serà diferenta.
L’estudi es estat fach en tot analisar de donadas de trobadas sexualas entre d’òmes e de femnas las darrièras decadas, çò es a long tèrme. La diferéncia entre las trobadas eterosexualas es desparièra. Una causa n’es l’atencion qu’un balha a l’autre e pas las abilitats fisiologicas.
Las causas primièras
L’idèia que l’òme pòt aver un orgasme de biais mai aisit qu’una femna es una cresença generala e acceptada dempuèi fa temps. Aital, una còla de cercaires, dirigida per Carly Wolfer estudièt 127 parelhs eterosexuals pendent 21 jorns. Après foguèron demanadas un sens fin de qüestions. E se avián arribat a l’orgasme.
Los cercaires volguèron analisar la freqüéncia del plaser e tanben l’esfòrç d’ambedos. La resulta de l’estudi foguèt publicada al numeric Journal of Social and Personal Relationships. E foguèt trapat un grand trauc que demostrava las diferéncias entre ambedos sèxes.
Al 90% dels cases los òmes afirmèron aver un orgasme mas sonque lo 54% de las femnas poguèt o confirmar. Sonque aquò ja balha una idèia de la diferéncia entre ambedos sèxes a l’ora d’aténher l’orgasme. Semblariá doncas que i a pas cap diferéncia pr’amor de la biologia.
Los cercaires tanben volguèron conéisser cossí voliá cadascun provocar lo plaser a l’altre. La diferéncia femenina confirmèt qu’èra mailèu un fenomèn relacional. Segon l’estudi, lo plaser femenin despareis pas quan i a una relacion omosexuala nimai pendent la masturbacion.
Los òmes volguèron totojorn arribar a l’orgasme masculin : las femnas, pasmens, avián coma tòca balhar de plaser als òmes e l’orgasme pròpri èra una tòca segondaria. E aquò provòca totjorn una desparietat sexuala. Se la femna ajuda l’òme a aver l’orgasme, l’òme a mai de satisfaccion. Las femnas, per contra an pas aquela ajuda dels òmes, e lo plaser ven un fach unilateral pr’amor de las normas socialas.
Aquela asimetria orgasmica tanben provòca de diferéncias emocionalas entre ambedos sèxes. Alara los cercaires diguèron que caliá abandonar l’idèia que lo plaser èra parièr per totes. Sonque aital e amb mai d’esfòrç masculin se poiriá aver una sexualitat mai parièra. Pr’amor que l’orgasme deuriá èsser totjorn un fach d’ambedos sèxes. E pas sonque d’un.
La Redaccion
