L’Orquidèa coelogina es un genre d’orquidèas epifitas e litofitas qu’a mai de 120 espècias, apertenentas a la familha de las Orchidaceae. Lor abitat natural se tròba espandit longament al sud del continent asiatic e en la majoritat d’illas del Pacific occidental, coma Malàisia o Nòva Guinèa.
Es un genre d’orquidèas tanben conegudas per la longa durada de las siás flors e l’agradiu odor que fan. Totas las espècias d’aqueste genre son pro facilas de cultivar car pòdon agantar plan de cambiaments de temperatura.
La coelogina es una planta de fuèlha perenne, qu’envolopa las siás cabòças ovaladas, d’ont creisseràn un parelh de fuèlhas longas e amplas a cada costat, e a la part centrala e superiora creisserà la camba d’aquela flor.
La camba doncas creisserà lèu lèu e pòt generar fòrça pichonèlas flors o tanben sonque qualqu’unas, mas pus grandas, en tot dependre de l’espècia de coelogina que siá.
Las diferentas espècias de Coelogyne demòran en de temperaturas situadas demest los 10 e los 30 grads, e an de besonh de lutz intensa pendent tot l’an, emai se es melhor las situar en d’airals d’ombra pendent las oras de mai calor a l’estiu.
L’orquidèa Coelogyne es doncas una planta fòrça polida qu’ a de besonh d’environaments umits, e per aquò cal donar d’aiga a la planta de contunh e sustot quand es l’epòca de creissença d’aquela planta. La tèrra deuriá èsser umida al long de tota l’annada mas tanpauc va plan tròp d’aiga.
Aquela orquidèa tanben pòt èsser plantada dins de sèrras, mas cal que l’espècia siá tanben d’aquelas adaptadas a de climas fregs pr’amor que pas totas o son e tanben n’i a que son pus adaptadas a la calor e lo freg seriá pas bon per elas.
D’orquidèas de clima temperat
Las orquidèas coeloginas de sèrra dèvon, pasmens, viure en d’environaments amb mai de 16 grads e mens de 30, e doncas mens de temperatura seriá pas bona per la planta.
Quand la cabolha siá conflada, aquò vòl dire que la planta ja es madura,malgrat qu’aquò sonque pòt èsser espepissat demest las espècias de sèrra e clima “freg” e temperat.
Aital, la temperatura per una coelogina de sèrra deu pas jamai èser inferiora als 10 grads e se es pus nauta melhor encara. Demest aquel tipe d’orquidèas cal soslinhar la beutat de las espècias Coelogyne cristata e Coelogyne barbata, amb de flors tras que bèlas..
L’epòca de florason per la majoritat de las espècias de Coelogyne, se debana demest la prima e l’estiu, e serà alara que donaràn de flors amb de colors que pòdon èsser blanc e jaune, mas tanben roi taronja e brun. Cal pas desbrembar que son de plantas que preferisson un substrat amb pro d’aire e que son totjorn sensiblas quand las siás rasinas son poiridas. Per aquò empedir cal aufrir totjorn fòrça d’aire a l’orquidèa. Tanben de falguièras al tèrra ajudaràn plan lo rasic a viure plan.
Un article d’Andrés López*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
Aqueste article es tanben publicat dins Naturaleza Salvaje, un numeric de geografia e l’environament, que Sapiéncia n’a un acòrdi de cooperacion
