LO TRAUC NEGRE PUS PRÒCHE
Lo telescòpi Hubble confirmèt la descobèrta del trauc negre pus pròche de la Tèrra. Sòn nòm es Messier 4, e se tròba a la constellacion d’Escòrpi. Es lo trauc negre amb una massa entremièja pus pròche de nosautres. La descobèrta foguèt confirmada pels cercaires Andrea Ghez e Reinhard Genzel, aprés estudiar pendent mai de dètz annadas lo movement de las estelas que i a al centre de nòstra galaxia.
Pr’amor qu’aquelas estelas son al torn d’una misteriosa fònt d’ondas ràdio nomentada Sgr A. Segon lo sieu volum sonque pòt èsser un trauc negre. Un trauc negre que fa mai de 4 milions de massas solaras. Pels cercaires la siá descobèrta poiriá menar a una lei universala per las mesuras dels traucs negres.
Una lei universala ?
Totes los estudis realizats fins ara dempuèi la decada de 1960 entraïnan pensar que i a un trauc negre al còr de tota galaxia e que pòt venir supermassiu. La massa del trauc, segon los cercaires d’aquel estudi, es sovent plan restacada amb la massa de la meteissa galaxia.
Mas a la Via Lactèa i a d’autres traucs negres e pr’açò los scientifics creson qu’aquela ipotetica nòva lei sus las mesuras dels traucs negres pòt tanben confirmar los traucs negres que foguèron trapats en de galaxias nanas e tanben los molons de galaxias.
Se aquò foguèsse vertadièr i auriá mai d’un trauc negre amb una massa entremièja (entre 100 e un milions de massas solaras) al centre de tota galaxia. D’autres foguèron ja descobèrts abans pel telescòpi Hubble en 2009 e 2020. Qualcunes d’aqueles poirián èsser d’ancianas galaxias nanas devoradas pel trauc negre. Messier 4 es a mai de 7.000 annadas-lutz del Sistèma Solar.
La Redaccion
