Lo Pargue Nacional Denali es situat dins en l’interior d’Alaska, dins un airal protegit qu’es al còp una reserva naturala que s’espandís al long de 24.585 km². Dins lo pargue i a la montanha pus nauta d’Estats Units, lo Mont Denali. Lo Pargue Nacional foguèt creat en 1917 e puèi classat coma reserva naturala en 1980. Uèi es considerat coma un pargue de nauta montanha crosat per la cadena d’Alaska amb diferentas nautors. 
Mai d’un milion de personas visitan aqueste pargue de manièra annadièra. Dins lo pargue i a desparièras zònas vegetalas pr’amor que i a de forèsts en la montanha e al sud, prèp del lac Wonder, i a un autre tipe de vegetacion, totalament diferenta. Lo biòma majoritari es la tundra, mas tanben i a fins a 450 espècias diferentas de flòra que pòt èsser plan espepissada pendent la sason de l’estiu.
En Denali i a milièrs de pins e tanben de salzes car las condicions environamentalas provòcan una nauta preséncia de minerals, un fach qu’ajuda plan los arbres a créisser.
A mai d’aquò tanben i a fòrça arbres amb de frucha, coma la cerièra de bisont , e d’avajons, que son la noiridura preferida de plusors espècias animalas que i a en aquel pargue dont l’ors brun, l’ors negre, lo lop cervièr, de rainals, de martas, e de goluts. A mai, tanben i a d’ants, de caribós, de moflons, marmòtas de las Rocosas, de vibres, d’esquiròls artics, d’agaças e de lèbres americanas a mai d’un grand nombre d’aucèls.
Un pargue crosat per de montanhas
La cadena de montanhas d’Alaska crosa tot lo pargue e la mai nauta es lo Mont Denali, qu’a 6 194 mètres de nautor e es la montanha pus nauta de tota America del Nòrd, a mai d’una de las 100 pus nautas de la planeta tota. Pr’amor de sa situacion geografia, pròcha a l’Artic e las siás desnivelacions, es tanben una de las montanhas pus dangierosas de la planeta a l’ora de far alpinisme.
Per poder arribar en naut d’aquela montanha cal montar primièr una desnivelacion qu’arriba fins als 4 000 mètres. Dempuèi ailà lo camin tanben es perilhós. La baissa temperatura tanben es un dangièr màger e benlèu pr’aquò lo nom de la montanha, en lenga indigèna denali vòl dire “lo Grand”.
Un article d’Andrés López*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
Aqueste article es tanben publicat dins Naturaleza Salvaje, un numeric de geografia e l’environament, que Sapiéncia n’a un acòrdi de cooperacion
