Avètz vist jamai cap lac de color ròsa ? Òm poiriá pensar qu’es un lac fach per un film mas aquò es pas aital. Es un lac, lo lac Hillier, a Austràlia, qu’a las siás aigas ròsas e cal pas anar al cinèma per lo veire. Es a l’illa de Middle, la màger illa de l’archipèla de la Recherche, a Australia Occidentala. La color ròsa de las aigas d’aquel lac es permanenta pendent tot l’an, e las siás aigas demòran de la meteissa color, malgrat l’estanh que i a dins lo lac. Es un lac pasmens, qu’es pas gaire grand, pr’amor que fa sonque aperaquí 600 mètres de longor e al torn i a de sabla e un bòsc de melaleucas e eucaliptus.
A la siá part nòrd i a qualqu’unes pùègs de sabla cobèrts de vegetacion que crèan una barrièra que lo dessepara de l’ocean Antartic. Lo lac a aquela color tant inabituala de las siás aigas sens representar pas cap d’efièch advèrs conegut pels èssers umans o per las plantas que i prèp. Pr’aquò es un dels luòcs preferits per fòrça toristas qu’arriban a aquel paratge amb lo reclam de poder prene un banh dins aquelas aigas ròsas tan peculiaras.
Diferentas tonalitats de ròsa
Dempuèi en naut lo lac se pot veire coma una color ròsa fòrt, mas dempuèi la linha de la còsta lo ton càmbia a una ròsa mai clara. Aquel luòc foguèt cartografiat per primièr còp per l’expedicion Flinders en 1802. Per ansin, lo capitani Flinders agachèt lo lac ròsa après montar al pic de l’illa. John Thistle, lo capitani del naviri, reculhiguèt d’aiga del lac en tot descobrir qu’èra saturada amb de sal. E mai se lo lac Hillier e l’origina de la siá color ròsa foguèt pas jamai demostrada, se sap que la color ròsa d’autres lacs salats de la region sorgís d’un mejan de contrast creat per d’organismes nomenats coma Dunaliella salina e Halobacteria.
Una autra ipotèsi seriá que la color ròsa ven pr’amor de bacterias halofilas rojas sus las crostas de sal. Aquel lac, doncas, es sens dobte un dels luòcs de la planeta que podètz pas i arribar a pè car l’unica manièra de lo veire, es dempuèi l’aire. A mai, sonque se pòdon visitar las illas e l’abondiua vida salvatja de l’archipèl Recherche amb un baissèl qu’a son pòrt principal a la vila australiana d’ Esperance. Lo Lac Rosa, tanben près d’Esperance, es un autre lac ròsa situat en un dels païsatges litorals mai bèls d’Australia, a sèt quilomètres de la vila d’Esperance.
BirdLife International classèt lo lac coma un airal important per los aucèls (es un IBA, o Important Bird Area) car i demòran fòrça aucèls migrators e natius.
Un article d’Andrés López*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
Aqueste article es tanben publicat dins Naturaleza Salvaje, un numeric de geografia e l’environament, que Sapiéncia n’a un acòrdi de cooperacion
