En Canadà se tròba situat un dels lacs mai curioses de la planeta, lo Lac Abraham, un lac artificial creat quand se bastiguèt la paissièra de Bighorn en l’an 1972.
En aquel lac se debana un dels cases mai peculiars qu’òm pòt s’imaginar, e qu’entraïna lo plaser de totes los visitants del luòc, e qu’a coma causa las plantas qu’e i a al fonz del Lac Abraham. Aquelas lançan una granda quantitat de gas metan, e aqueste se glaça abans de montar a la superfícia, en tot crear mantunas botiòlas de gas glaçat.
La botiòlas petrificadas crean de colomnas, que son de mai en mai grandas e prigondas pendent l’ivèrn, e aqueste fenomèn fa que siá una de las destinacions preferidas pels aimants de la fotografia.
Los qu’aquel tipe de fotos volòn far devon marchar per la superfícia del lac glaçat, que, sens nhèu, demòra coma un veire gigantàs que sembla a mand de se trincar jos los pès del visitant.
Dins las Montanhas Rocosas
Lo lac es situat al pè de las Montanhas Rocosas canadianas, al lièch del fluvi North Saskatchewan, a l’oèst de la vila d’Albèrta, un fluvi que nais dels glacièrs del Camp de Glaç conegut coma Columbia a 1 800 mètres de nautor.
Lo Lac Abraham a una superfícia totala de 53,7 quilomètres carrats e una longitud de 32 quilomètres d’extrèm a extrèm.
Per escuélher lo nom del lac foguèt fach un concors entre d’estudiants de la region, e a cadun li caliá escuélher lo nom d’un personatge considerable de la region. A la fin, l’escuelhut foguèt un abitant de la zòna que visquèt durant lo sègle XIX, Silas Abraham.
Un article d’Andrés López*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
Aqueste article es tanben publicat dins Naturaleza Salvaje, un numeric de geografia e l’environament, que Sapiéncia n’a un acòrdi de cooperacion
