Antirrhinum majus es un genre de plantas de la familha Plantaginaceae. Uèi lo jorn n’i a fins a 363 espècias mas es originària de l’airal mediterranèu e tanben lo nòrd american. Pòt èsser una planta annadièra o perenne.
Antirrhinum tanben recep de noms curioses segon lo luòc. En espanhòl es coneguda coma dragonaria e en catalan tanplan recep los noms de conilhòt o canhòt (conillet e gosset) e totjorn foguèt classificada dins la familha Scrophulariaceae. Mas uèi, e mercés a divèrses estudis filogenetics fachs fa pas gaire, es conegut qu’aperten, mai que mai, a la familha Plantaginaceae.
Dins lo genre Antirrhinum òm pòt devesir las diferentas espècias en tres grops basics; d’espècias nanas, que pòdon far demest 15 e 20 cm de nautor, d’espècias mejanas, que pòdon far entre 40 e 76 cm de nautor, e encara un darrièr grop d’espècias pus nautas, que fan entre 76 e 120 cm de nautor.
Una color verda escura
Las fuèlhas d’aquela planta son, mai que mai, rascosas o planas e tanben pòdon aver una forma desparièra segon l’espècia. Mas totas son d’una característica color verda escura e las sieunas flor an forma de tube e fan aperaquí 5 cm.
La florason d’aquela planta arriba pendent la fin de la prima e començament de l’estiu e las flors creisson amassa en de grops amb de colors tanben divèrsas coma lo violeta, lo roge, lo blanc o encara lo jaune segon l’especia d’antirrhinum.
Aquela planta a de besonh de sòls plan rics e lo sòl ideal benlèu seriá lo calcari. Cal, a mai, li donar d’engrais amb de minerals abans de la plantar e a de besonh brica d’aiga e sonque li’n donar un pauc mai pendent l’epòca de mai calor.
A mai d’aquò, aquela planta déu èsser situada en un airal ont pòsca recebre la lutz del solelh dirècta e tanben ont, se aquò es posible, i a mai de temperatura car aima plan de nautas temperaturas per poder créisser plan. Pendent l’epòca de florason es de besonh li donar d’engrais mineral cada 15 jorns.
Antirrhinum pòt èsser plantada de biais temporal o defintiu amb de boturas. Lo mes d’agost seriá quand mai conven aquò far. Es plan important de causir plan lo luòc e se òm pòt o far amb de grana melhor, car son de plantas plan flacas quand son atacadas per de nierons o de camparòls.
Lo nom Antirrhinum majus a coma origina lo grèc. Vòl dire “semblant al nas” mas tanben es una planta coneguda coma Boca del drac, Conilhòt, Boca del Leon, Canhòt, Antirrinus e encara d’autres noms segon la region. E vosautres cossí la sonatz en occitan ?
Un article d’Andrés López*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
Aqueste article es tanben publicat dins Naturaleza Salvaje, un numeric de geografia e l’environament, que Sapiéncia n’a un acòrdi de cooperacion
