L’illa de Champ es un luòc fòrça visitat pels toristas de l’Artic, pr’amor que i a plusors pèiras redondas de diferentas mesuras, amb una origina desconeguda. L’illa es sonque una de las que i a l’archipèl artic de la Tèrra de Francesc Josep, e aperten a un dels parçans mai luènhans de Russia. Una illa, enfin, encara uèi gaire estudiada. 
La superfícia d’aquela illa es pichona, pr’amor qu’a soque 375 quilomètres cairats, amb de païsatges que son fòrça polits e luènhans de la civilizacion. E a qualqu’unas esfèras de pèira misteriosas amb de mesuras plan estonantas. Son perfièchament redondas, e lor origina tanben es misteriosa.
Las mesuras d’aquelas pèiras son fòrça desparièras, dempuèi una nautor superiora a la d’un èsser uman, fins a d’autras fòrça pichonas, coma de pilòtas de taula, e qualqu’unas unas d’elas son idealas per èsser usadas coma balas de canon.
Fòrça pèiras perdèron la siá forma redonda a causa dels fòrts vents, de bassas temperaturas e l’aiga, en arribant a èsser semblablas a d’autras, mas son per tota l’illa. Semblariá coma se cresquèsson de la tèrra. La fonda dels glacièrs expausa la superfícia de l’illa, en tot formar aquelas formas redondas.
De bòlas de fins a divèrses mètres, qualqu’unas son malaisidas a l’ora de las cobrir totalament per tres personas, mas i a tanben d’esfèras de pèira d’una forma perfièchament redonda de sonque qualqu’unes centimètres de diamètre per tota l’illa.
L’illa de Champ conten, a mai, una ampla zòna liura de glacièrs al sud-oèst de l’illa, e lo sieu ponch mai naut arriba als 507 mètres. Es l’illa pus meridionala de la Tèrra Zichy, de l’archipèl de Francesc Josep, e se tròba desseparada per divèrses estreches de l’illa de Luigi pel nòrd e l’illa de Salisbury, al nòrd-èst. E segon qualqu’unes, aquelas esferulitas redondas son las qu’utilizavan los antics dieuses per jogar a fotbòl.
Un article d’Andrés López*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
Aqueste article es tanben publicat dins Naturaleza Salvaje, un numeric de geografia e l’environament, que Sapiéncia n’a un acòrdi de cooperacion
