LA NASA ENVIARÀ UNA SONDA ESPACIALA A TITAN
L’Institut espacial estatsunitenc NASA anoncièt fa gaire qu’enviarà una sonda espaciala a la luna de Saturn nomenada Titan per estudiar la quimia organica prebiotica que i pòt aver en aquela luna e assajar de descobrir se atanben i a de vida. Es una luna qu’a d’oceans de metan que, totjorn segon la NASA, poiriá aver de vida prebiotica.
La mission serà nomentada Dragonfly e quora la sonda espaciala arribarà a Titan aurà d’estudiar los mai de 5000 quilomètres que fa aquela Luna, pus granda que la nòstra Luna e que la planeta Mercuri. Titan es, en mai d’aquò, situada a 1,4 bilions de quilomètres del Solelh, çò es fins a dètz còps mai luenh que la planeta Tèrra.
Pr’aquò la sieuna temperatura mejana es de -179 grads e la pression dins la sieuna superfícia es fins un 50% mai leugièra que la de la planeta blava. Es una atmosfèra en de nitrogèn e a de níbols e de pluèja de metan. Lo clima de Titan patís divèrses proceses organics complexes e tanben a d’energia e d’aiga semblantas a las de la Tèrra fa de milions d’annadas.
“I a pas cap luòc al Sistèma Solar coma Titan, çò diguèt Thomas Zurbuchen, de la NASA. La sonda espaciala Dragonfly estudiarà la sieuna superfícia per veire se i a de components organics. La mission començarà en l’an 2026 e arribarà a la luna de Titan en 2034”.
Un viatge espacial de prèp de 3 ans
La sonda espaciala que serà enviada a Titan serà un dron amb 8 alas e farà desenats de viatges al long de la superfícia de Titan per assajar d’i descobrir de processes quimics prebiotics. E aquò serà lo primièr còp qu’una nau espaciala umana arribarà tant luenh dins lo Sistèma Solar per i estudiar la sieuna superfícia.
Lo viatge de la Dragonfly demorarà mai de 2 annadas, gaireben 3, e la sonda espaciala estudiarà los divèrses environaments de Titan per comprene se las dunas de la siuena superfícia son organicas e se i a d’aiga liquida dins los cratèrs de la luna de Saturn. E se mai i aguèt de vida.
La NASA volguèt soslinhar que la mission Dragonfly serà una mission espaciala jamai abans realizada per l’umanitat e que los oceans misterioses de Titan poirián cambiar totalament la comprension actuala qu’avèm sus la vida a l’Univèrs. “Una mission que podiá pas èsser imaginada fa paucs ans, çò confirmèt Zurbuchen. Mas que ara es ja premanida per començar”.
La Redaccion
