Home DIVÈRSES LA DIÈTA SENS GLUTEN, PAS MELHORA PER LA SANTAT
LA DIÈTA SENS GLUTEN, PAS MELHORA PER LA SANTAT
0

LA DIÈTA SENS GLUTEN, PAS MELHORA PER LA SANTAT

0

I a pas de pròvas scientificas per demostrar qu’una dièta sens gluten siá melhora per la santat qu’una dièta normala. Aquò es çò qu’a volgut avertir una còla de cercaires après estudiar amb prigondor plusors analisis fachas dins lo mercat occidental. Segon aquò, los estudis realizats fins ara an plan pauca qualitat scientifica.

La majoritat d’estudis indican pas que lo gluten conven per prevenir lo risc d’infart e que tanben conven per absorvir los nutriments.

Aquò arriba après d’annadas de creissença dins lo mercat internacional de personas que compran d’aliments sens gluten mas que, realament, an una bona santat e n’an pas de besonh. L’analisi, efectuada ara per un grop d’expèrts de l’Universitat Pompeu Fabra de Barcelona (UPF), met en dobte aquel tipe de dièta e avisa que la creissença d’aliments sens gluten al mercat e lor cada còp mai naut nivèl de vendas poiriá obesir a de potentas campanhas de mercadotecnia e pas a de vertadièras rasons de santat.

De diètas de mai en mai popularas

Las diètas amb d’aliments privats de gluten son de mai en mai popularas dins la populacion generala. Segon divèrsas voses son una opcion mehora per la santat se se vòl reduire lo pes o aver un melhor estat fisic. Mas ara un grop d’expèrts de l’Observatòri de Comunicacion Scientifica de l’UPF catalana questionan aquel biais de dièta pr’amor que, çò dison, se pòt pèrdre aital fòrça proteïnas bonas per la santat.

Los expèrts qu’an fach ara aquel estudi an realizat divèrses analisis sus dos estudis scientifics internacionals, faches als Estats Units, e qu’aurián coma basa la nutricion e la santat. E avisan qu’aqueles indican pas que lo gluten conven per prevenir lo risc d’infart e que tanben conven per absorvir los nutriments.

Los estudis, çò dison, an una qualitat globala plan baissa e pòdon pas confirmar cap de relacion entre una dièta dirècta d’aliments sens gluten e un mai grand benefici per la santat. E avertisson qu’es encara pièger de manjar pas de gluten se la santat es bona.

Aquò arriba après d’annadas de creissença dins lo mercat internacional de personas que compran d’aliments sens gluten.

Los recercaires an volgut, en mai d’aquò, soslinhar qu’una dièta sens gluten redutz l’ingestion de granas e fibra, bons per la santat cardiovasculara. A mai, una dièta sens gluten pòt far créisser lo pes en causa d’una inflamacion intestinala qu’auriá luòc en abséncia de gluten. Amb de gluten i a mai de proteïnas, mens d’inflamacion e un melhor absorbiment intestinal.

De mai, de prene gluten conven a l’absorbiment de calci e vitamina D. Se i a pas, doncas, una ordenança del mètge, conven pas plan a la santat de o far.

Tot aquò après que se foguèt conegut que segon Euromonitor International los aliments sens gluten cresquèron de fins a un 75% entre 2008 e 2013 dins lo mercat internacional. E solament un 1% de la populacion occidentala patís la celiaquia, çò es l’intolerància al gluten. Son de campanhas comercialas, çò avisèron los expèrts, de productes pas melhors e fòrça mai cars. E divèrsas analisis internacionalas ja començan d’avertir que son d’aliments qu’an fòrça mens de proteïnas. Aquò vòl dire que son pas melhors que d’autres. Sèm prevenguts.

 La Redaccion

Aqueste article serà tanben publicat dins Jornalet, lo primièr quotidian en linha de lenga occitana, amb lo qual Sapiéncia a un acòrdi de cooperacion.

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.