I a un animal ena planeta qu’aumens teoricament es biologicament immortal. Es vertat aquò ? Es pas de creire ! Mas òc, se sona Turritopsis nutricula, un metazoo que pòt tornar a l’immaduretat sexuala après i arribar abans. Aquò vòl dire que pòt i arribar amb un procès cellular de transdiferenciacion. E o pòt far totjorn. Es un organisme originari de la Mar Cariba qu’uèi s’espandiguèt per tots los oceans.
Per ansin, e malgrat que la majoritat de medusas de la nòstra planeta a un temps relativament cuèrt de vida (que se situa entre qualqu’unas oras fins a plusors meses), la medusa Turritopsis es la soleta qu’a la capacitat de se desvolopar tornarmai vèrs un polip, çò es la sieuna forma juvenila abans de venir una medusa.
Aquò se debana en tot dependre de la temperatura de l’aiga de l’ocean ont i a Turritopsis (que pòt èssser en dangièr se aquesta es mens nauta de 20º o mai nauta dels 22º). Quand aquò se debana divèrsas parts d’aquesta medusa se deterioran fins al moment que pòt tornar a èsser un polip (que se passèt quand èra açò pendent l’epòca de joventut). Aquesta capacitat a l’ora de se tornar pus jove es unica al reialme dels animals e pòt arrestar la mòrt de Turritopsis d’un biais indefinit. E per aquò los cercaires la classifiquèron coma un èsser viu biologicament immortal.
Aquò, pasmens, arresta pas d’autres dangièrs que pòt patir Turritopsis (e que se debanan sovent dins la vida del plancton coma èsser manjat o venir malaut. E doncas Turritopsis pòt morir coma o fan d’autres animals marins que i a al sieu torn. Çò de desparièr es que aquesta medusa pòt morir pas per ela meteissa (se vòl) pr’amor de l’edat.
Un cas pas unic al mond
Turritopsis es pas l’unic cas d’organisme viu que i a en la planeta que pòt pas morir biologicament (pr’amor de la siá edat). I a tanben d’autras espècias de medusa coma Laodicea undulata o encara Aurelia sp. que tanben foguèron classificadas per la sciéncia coma d’animals biològicament immortals. Turritopsis ne seriá, benlèu, lo cas pus conegut.
Dins lo mond unicellular i a d’autres organismes que tanben son biologicament immortals. Malgrat que la majoritat de bacterias e levats venon mai vielhs e morisson pr’amor de la siá edat, qualqu’unas, jos cèrtas condicions, pòdon arrestar la celula devesida e aquesta ven pus jove. E doncas pòdon èsser tanplan considerats com d’organismes immortals.
D’autres èssers vius, a mai, coma las idras (un genre dels cnidaris) pòdon tanben se regenerar, se suenhar elas meteissas se son nafradas e se reproduire d’un biais asexual mas que pòdon pas aquò far d’un biais indefinit, coma Turritopsis. Pòdon venir plan vielhas mas, fin finala, morisson.
Sonque Turritopsis nutricula es Turritopsis dohrnii pòdon se transdiferenciar e renovelar las siás celulas e venir immortalas se cap predator es ailà per las manjar. Un cas unic dins la vida en la Tèrra.
La Redaccion
