Mycena interrupta es una espècia de campairòl basidiomicèt plan pichonèl, del genre de las Mycenas, de l’òrdre dels Agaricals e de la familha de las Mycenaceae. Demòra en gaireben tota Austràlia, Nòva Zelanda, e Nòva Caledònia, en Nòva Galas del Sud, en Tasmània, en Chile e en Queensland, ont sonque pòt èsser trapat al Pargue Nacional de Lamington.
Aqueste pichon campairòl es d’una color blava intensa e fa d’aperaquí demest 6 e 20 mm. La siá nautor pòt èsser situada entre 10 e 24 mm e lo tronc es de color blanca. La basa es tanben blava e blanca coma las sieunas espòras. Son de campairòls que creisson entre de fuèlhas o troncs d’eucaliptus o faus e pòdon tanben créisser sus la fusta directament.
La siá forma es esferica e puèi pòt semblar plan un parasolelh. Son tanben plan trapadas sus de mofa. Es lo solet campairòl del genre Mycena qu’a lo cap de color blava e es pas bioluminiscent. Aquela color blava es plan rara al mond dels campairòls e, per ansin, pòt èsser plan agachada e reconeguda. Tanben i a d’autres campairòls de color blava mas son del genere Entoloma e, malgrat que las siás mesuras son semblantas, creisson sus la tèrra.
Un genre plan espandit
Lo genre Mycena es un genre plan grand de pichons campairòls que fan sonque entre 1 o 2 cm d’amplor. Abans èran classificats en 232 espècias desparièras dont 33 son bioluminescents, aquò vòl dire que semblan cossí un pichonèl fuòc. Uèi son estadas classificadas mai de 500 espècias de Mycena per tota la planeta.
Dins lo genre Mycena i ha d’espècias que pòdon èsser tanben manjadas malgrat que tanplan es conegut qu’an de toxinas dont Mycena cyanorrhiza qu’a de tacas blavas e tanben l’allucinogèn psilocibina. De soslinhar que la majoritat de campairòls d’aquel genre encara se sap pas se pòdon èsser manjadas o pas pr’amor que son plan pichonèlas.
Mycena interrupta, totun, encara es estada pas classificada coma toxica. Malgrat aquò es un del campairòls pus cercats pels aimants de la fotografia. I a pas pro estudis sul campairòl e pr’aquò se recomanda pas lo manjar.
Los Mycenaceae son una familha de campairòls de l’òrdre dels Agaricals, e dins d’aquesta familha i a fins a 11 genres diferents dont 705 espècias de campairòls que pòdon èsser trapats per tota la planeta.
Un article d’Andrés López*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
Aqueste article es tanben publicat dins Naturaleza Salvaje, un numeric de geografia e l’environament, que Sapiéncia n’a un acòrdi de cooperacion
