Ua còla de scientifics poguec classar eth volcan hawaian Puhahonu com eth mès gran que i a aué ena planeta. Aguest volcan, qu’a ua edat de mès de 13 milions d’ans d’edat qu’ei dus còps mès gran qu’eth volcan Mauna Loa, tanben a Hawaii e que serie, segontes aguest nau classament, eth dusau mès gran dera Tèrra. Es donades son es d’un nau estudi hèt pera Universitat d’Hawaii.
Aguestes donades son naues pr’amor qu’es abitants d’Hawaii auien pensat tostemps qu’ère eth volcan Mauna Loa eth mès gran d’aqueres isles. “Enquiara se pensaue qu’aguest tipe de volcans neishien en Hawaii e dempús d’1 o 2 milions d’annades venguien mès heireds e morien, çò diguec Michael Garcia, dera Universitat d’Hawaii. Totun, era formacion deth volcan Puhahonu siguec diferenta pr’amor qu’er eveniment que creèc aguest volcan siguec fòrça mès gran que d’auti”.
Eth dusau volcan enquiara 1974
Enquiara er an 1974 eth volcan Puhahonu siguec classat com eth mès gran dera planeta. Mès pòc dempús, un nau estudi confirmèc qu’ère eth volcan Mauna Loa eth mès gran dera Tèrra. Entà hèr aguest nau classament siguec considerada tanben ua part d’aguest volcan qu’ère jos eth nivèu dera mar. E non se passèc çò de madeish damb Puhahonu.
Eth nau estudi donèc naues donades que confirmauen que Puhahonu ère mès gran que Mauna Loa. “Que cau nomentar aguest volcan damb eth nòm donat pes hawaians; Puhahonu, e non eth nòm que donèren es occidentaus, çò apondec Garcia”.
A mès d’açò, es scientifics confirmèren qu’aguest tipe de volcans son actius des de hè milions d’annades e pr’açò era importància d’aguesti volcans entà tota era planeta non ei solament basica pr’amor que son es dus mès grani de tota era planeta mès tanben pr’amor qu’an ua importància fòrça grana a nivèu ecologic, istoric e culturau. Er estudi siguec confirmat ena revista scientifica online Earth and Planetary Science Letters.
Era Redaccion
Aguest article ei publicat gràcies a un acòrdi de cooperacion damb www.aranes.club, era pagina web entà apréner aranés de forma gratuita
