ESCÒCIA A DUES NAUES LENGÜES OFICIAUS
Enguan lo parlament escocé aprovèc ua naua lei que confirma que la lenga gaelica e er escocés (nomentat Scots) tanben son lengües oficiaus en Escòcia. Lo decret permeterà poder ensenhar aguestes lengües tanben ena escòla. E seràn especiaument promoigudes e suenhades.
Era naua lei, que entrèc en vigòr eth dia de Sant Andreu (30 de noveme) da fòrça mès drets as parlaires de gaelic e escocés a mès de perméter era creacion de naues àreees lingúistiques damb eth sosten institucionau.
Era lei siguec aprovada per unanimitat en parlament escocés e siguec qüalificada coma ua oportunitat istorica entàs escocèsi pr’amor qu’arreconeish eth gaelic e er escocés coma lengües oficiaus d’Escòcia, ath costat der anglés d’ua manèra que poirie cambiar eth futur d’aqueth país.
Un moment istoric
Segontes eth madeish govèrn escocés, açò ei “un moment istoric pr’amor qu’era lei darà mès creishement ad aguestes lengües”. Tanben i aurà mès sòs e un supòrt institucionau permanent. Cau rebrembar qu’enguan eth govèrn escocés darà mès de 35,7 milions d’euros entara promocion d’aguestes dues lengües, ara ja oficiaus.
Damb era naua lei es familhes poiràn demanar ath govèrn obrir escòles gaeliques en sòn airau. Tanben seràn creadi airaus lingüistics entà poder i dar mès sòs e cèrtes politiques lingüsitiques favorables.
Es chifres de parlaires d’aqueres dues lengües (2022) son aguestes: 130.161 persones an un cèrt nivèu en gaelic, çò ei apuprètz 45.000 parlaires mès qu’en 2011. Es parlaires d’escocés per contra, serien de 2.444.659 persones, lèu mièg milion mès en 11 annades.
Aguesta naua lei espandís era lei deth gaelic de 2005. Ara eth gaelic e er escocés son egaus ar anglés en tot. Eth partit des Trabalhadors votèc en contra pr’amor que creden que cau i destinar mès sòs. Non ei çò que pense eth govèn escocés qu’ara ja dec legalitat a dues lengües parlades en Escòcia des de hè sègles.
La Redaccion
Fotografia principau: Rev Stan/CC
