Òc, car lo vòstre numeric en occitan Sapiéncia Occitana arribèt ongan a 500 000 visitas, de mai de 125. 000 usatgièrs, un fach istoric per una revista de sciéncia e istòria en lenga d’òc. Pr’açò volèm vos mercejar a totes lo vòstre supòrt, car sens vosautres aquestas revistas poirián pas existir. A mai, la revista d’istòria medievala Medievalòc tanben aguèt 175 000 visitas de mai de 76 000 usatgièrs del numeric. Sapiéncia nasquèt ara fa cinc annadas e Medievalòc ne fa tres. Aquò situariá Sapiència Occitana amb una mejana, a l’ora d’ara, de mai de 20 000 visitas cada mes e Medievalòc 9 000. Pensam qu’aquò es una bona nòva per los mèdia en occitan. E ambedoas revistas an ara un luòc important dins los mèdia occitans.
Sapiéncia a ja mai de 1 500 articles dont 150 en aranés e Medievalòc mai de 300, çò que tanben seriá una plan bona notícia per la lenga occitana. 35,01% dels legeires an l’estat espanhòl coma origina (e dont 53% son catalans, ont l’occitan es lenga oficiala, 5,91% valencians e 4,35% aragoneses), aprés venon los occitans, amb un 24,30% e estatsunitencs, amb un 15,75%. Los legeires de la region d’Occitània son 50% dels usatgièrs, Illa de França, 25%, e puèi venon Nòva Aquitània, amb un 13,46% e Provença amb 8,82%.
Per païses, los legeires de Medievalòc son, a l’ora d’ara, un 38% dels Païses Catalans e 26% d’Estats Units, çò que confirmariá un interés dels medievalistas per tèxtes d’istòria medievala escriches tanben en occitan. Los catalans son 52,78% dels legeires de l’estat espanhòl e valencians lo 8,33%. La region d’Occitània a lo tresen luòc amb mai de 18% dels usatgièrs. Puèi venon los legeires de Valadas Occitanas italianas amb un 2% e Portugal amb un 1%. Per regions, los d’Illa de França a lo primièr luòc, amb 42,86% dels legeires e puèi venon los abitants de la region d’Occitània, amb un 25,57%. Puèi encara vendrián los legeires de Nòva Aquitània, amb un 14,29% e Provença amb un 6,92% d’usatgièrs.
Una bèla capitada
Amb aquelas chifras volèm vos balhar una idèia del succés que pensam qu’an aquestas doas revistas numericas de sciéncia e istòria medievala en occitan. E tanben per vos mercejar plan lo vostre supòrt. Pr’amor de tot aquò cal soslinhar que i aurà, doncas, mai articles de sciéncia, istòria, tecnologia, paleontologia, e lingüistica a mai d’un fum mai pendent fòrça temps.
Malgrat la crisi economica, que comença ara, Sapiéncia e Medievalòc recebèron per segond an lo sosten economic del Departament de Cultura, de la Generalitat de Catalonha, a travèrs d’una subvencion a l’Associacion dels Amics de la Sapiéncia Occitana (AASOC). Uèi lo jorn i a de sèrias sul Sègle XXI, l’Origina dels Èssers Vius de la Planeta, e los Pargues Nacionals d’Occitània e Catalonha, entre d’autres. Lèu començarà una nòva sèria sus Fauna Americana e dins Medievalòc contunharà tanplan la sèria sus de Lengas Medievalas. E mai encara, amb la vòstra ajuda e supòrt. E cal pas desbrembar que se i a qualqu’un que vòl escriure d’articles per Sapiéncia o Medievalòc, los numerics d’istòria e sciéncia en lenga d’òc, o podètz plan far car los benevòls son totjorn planvenguts. 500 000 mercés (o 125 000) a totes e òsca !
La còla de Sapiéncia Occitana e Medievalòc
