Home ISTÒRIA LO HOBBIT NE SERÉ PAS GESSIT D’HOMO ERECTUS
LO HOBBIT NE SERÉ PAS GESSIT D’HOMO ERECTUS
0

LO HOBBIT NE SERÉ PAS GESSIT D’HOMO ERECTUS

0
0

La petita espècia coneishuda com Homo floresiensis de l’isla de Flores ne seré pas gessida d’Homo erectus. Atau çò que descobrín ua equipa de cercaires de l’Universitat Nacionau Australiana. L’ajòu mei dirècte que seré ua auta espècia africana de 50.000 ans.

Tanlèu la soa descobèrta dens l’espuga de Liang Bua, sus l’isla indonesiana de Flores, en 2003, Homo floresiensis qu’avèva com ajòu Homo erectus. Qu’èra estat afirmat atau. Mes adara, ua equipa scientifica que pensa qu’aquera espècia, popularament aperada lo Hobbit, que seré la fòrma evoluada d’ua auta espècia d’ominides qui migrè d’Africa 50.000 ans a.

I avèva un consensus sus l’idea que Hobbit avèva com ajòu Homo erectus.

Los autors, en publicar aqueth estudi au Journal of Human evolution, que volón soslinhar qu’Homo floresiensis qu’èra ua espècia desparièra e qu’avèva com ajòu Homo erectus, açò qu’ei ua teoria, e qu’evoluè de cap a ua talha de las petitas entà susvíver quan arribè sus l’isla de Flores.

A despieit d’aquò, non s’an pas descobèrt enqüèra nada tròbas d’Homo erectus a Flores, Java o Indonesia. Atau la rason d’aquera dusau teoria qui ditz que lo Hobbit averé com ajòu un aute ominides african. Mes que i a ua tresau teoria enqüèra qu’afirma qu’Homo florensiensis e seré ua desformacion patologica d’ua populacion umanas anatomicament modèrnas qu’avèvan desordis metabolics o genetics.

 Navèras donadas entà la dusau teoria

Navèras donadas que permetón aus scientifics australians d’ahortir la dusau teoria sus l’origina d’Homo florensiensis. Segon eths lo Hobbit qu’averé un ajòu Homo african – com l’espècia vesia d’Homo habilis , qu’estó determinat que demorè en Africa 1,75 milions d’annadas a-.

“En tot cercar – çò confirmèn los autors de l’estudi – qu’i avèva un consensus sus l’idea que Hobbit avèva com ajòu Homo habilis pr’amor qu’ocupava ua posicion hèra primitiva sus l’escala de l’evolucion umana”.

Atau, e segon Mike Lee, de l’Universitat Flinders d’Australia, uei que’s pòt dejà confirmar de plan qu’Homo florensiensis n’avó pas Homo erectus com ajòu. Ua certitud de 99%. Enlà, que’s pòt díser a 100% que n’ei pas ua malformacion genetica tanpòc.

Ara, navèras donadas que permetón aus scientifics australians d’ahortir la dusau teoria sus l’origina d’Homo florensiensis. Fotò: Homo erectus.

“Las analisis qu’amuishan qu’Homo florensiensis ei ua espècia vesia d’Homo habilis – çò digó Debbie Argue, cercaira de l’Universitat Nacionau Australiana -. Que vòu díser qu’aquestas duas espècias qu’avèvan un ajòu comun. Qu’ei possible qu’Homo florensiensis e migrèssi purmèr e vadossi Homo florensiensis après”.

Entà har l’estudi, l’equipa scientifica australiana qu’analisè los cranis, maisherars, dents, braç, camas e espatlas e nada donada e podó confirmar qu’Homo florensiensis n’èra pas un descendent d’Homo erectus – çò digó Argue -. Totas las analisas qu’ac confirman. Qu’ei ua teoria que ne’s pòt pas deféner. Ua de las donadas mei clara qu’ei la de l’estructura deu maisherar, qu’ei hèra mei ancian en çò d’Homo florensiensis qu’en çò d’Homo erectus”.

Pr’amor d’aquò l’analisi que hasó aquera equipa scientifica australiana a com conclusion qu’Homo florensiensis averé començat a evoluar abans, dilhèu 1,75 milions d’annadas a. Estossi lo cas Homo florensiensis qu’averé evoluat abans Homo habilis, çò qui haré deu Hobbit ua espècia hèra arcaïca.

La Redaccion

LEAVE YOUR COMMENT

L'adreça electrònica no es publicarà. Els camps necessaris estan marcats amb *