Home DIVÈRSES LO CLIMA TANBEN NOS FA SENTIR TRISTES
LO CLIMA TANBEN NOS FA SENTIR TRISTES
0

LO CLIMA TANBEN NOS FA SENTIR TRISTES

0
Alavetz, cal far d’exercici fisic e plan.

Amb l’arribada del fred e lo cambi de sason las personas – pas totas – podem nos sentir mai tristas e apaticas. Aquò es conegut scientificament coma “tresvirament afectiu emocional” e es un trebol patit per fòrça personas quand arriba lo mal temps. Es clar doncas que lo clima influís plan lo nòstre còrs e ment e que, quora arriba lo bon temps sèm mai contents. Amb la bruma, la pluèja e lo fred, patirem tanben un pichona “depression”.

La causa es meteorologica e biologica: lo solelh es una fònt de vitamina D e la fauta s’aquela se pòt plan restacar amb de malautiás coma la depression. Per ansin, quora i a mens oras de solelh pendent lo jorn sèm totes un pauc mai tristes. Amb l’escuritat, lo nòstre còrs produsís tanben mai melatonina, un factor determinant per la sòm e pr’amor d’aquò tanben sèm mai fatigats. De mai, los nivèls de serotonina – lo neurotransmissor del bonur en umans – es de mai en mai redusida pendent las sasons de tardor e ivèrn.

Una sensacion plan normala

Aquela sensacion de tristesa pendent los meses de mai fred a doncas una causa totalament biologica. Pòt arribar plan fins la prima, mas que i podem lutar. En tot seguir qualques conselhs podem ensajar de combatre aquela sensacion e, benlèu, arribar un pauc mai contents al mes de març.

Sustot, cal poder transformar los pensament negatius en positius. Cal, de mai, causir correctament los aliments mai rics en vitamina D. Aqueles son lo peis, lo iogort, fruches secs, d’uòus, etc. Tot aquò es per lutar contra la fauta de solelh. De mai, cal ensajar de sortir totjorn en carrièras quora avèm bon temps.

Amb l’arribada del fred e lo cambi de sason las personas podem nos sentir mai tristas e apaticas.

Cal far d’exercici fisic e plan. Amb aquò i a una mai granda produccion de dopamina, serotonina e endorfinas, que son las ormonas que balhan la sensacion de bonur. Cal tanben dormir tot çò de possible e se levar lèu per aver un major profièch de las oras solaras. E se trobar amb d’amics o solament passejar que va plan.

Cal, fin finala, far un esfòrç e pensar pas que pr’amor que lo jorn es mai cuert o que i a pas bon temps tot serà marrit. Nosautres avèm lo poder sus lo còrs e la ment. Mai encara que la pluèja o lo fred. E escotar musica tanben nos farà sentir mai contents. Aquò ajuda. Amb la prima, tot cambiarà…

La Redaccion

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.