UN PTEROSAURE PLAN CONSERVAT
La tròba d’una esqueleta fossila de pterosaure es un fach rar en paleontologia. Se, a mai d’aquò, òm pòt confirmar que lo fossil es plan conservat, òm pòt arribar a dire que la descobèrta es excepcionala. E aquò es çò que se debanèt aqueste estiu a Brasil, amb la descobèrta d’un pterosaure de la familha dels tapejaridas que visquèt pendent lo Cretacèu. La nòva espècia se sonarà Tupandactylus navigans.
Es aital pr’amor que l’esqueleta fossila d’aqueste pterosaure plan conservat e trapat ongan a Brasil foguèt trapat al pòrt de la vila de Santos, a Sao Paulo. Foguèt la policia que lo descobriguèt, e lo confisquèt lèu lèu. L’accion policièra se debanava pendent l’ataca nuechenca de los policièrs a un barri d’aquela vila. A mai, d’aquela fossila tanben foguèron confiscats d’autres fossils tanben plan conservats.
Una pterosaure del Cretacèu
“Los pterosaures de la familha dels tapejaridas visquèron pendent lo Cretacèu mai antic pertot Gondwana e Eurasia, çò confirmèt Victor Beccari, de l’Universitat Nòva de Lisboa. Avián dents particularas e una granda crèsta sul cap. I a de cercaires que pensan qu’èran erbivòrs. A Brasil son los pterosaures qu’òm tròba mai sovent”.
L’esqueleta trobada consistís en gaireben la majoritat del cors del pterosaure e tanben divèrsas parts de la sieuna carn. Totes los cercaires que l’estudièron soslinhèron qu’es l’especimèn de pterosaure melhor conservat jamai trobat fins ara. E la siá descobèrta ajudarà plan a classificar aquela familha de pterosaures, los tapejaridas.
“Es lo primièr qu’avèm estudiat, a mai del cran, d’autras parts del pterosaure, çò diguèron los paleontològs. La resulta de l’estudi confirmèt que foguèt una espècia que demorava plan sul tèrra pr’amor del sieu còl e la granda cresta qu’aguèt sul cap. Pasmens, podiá volar e plan. Un fach particular es que tanben a una cresta sus la fàcia. E la carn trapada entre d’osses es extraordinària”. L’estudi foguèt publicat al numeric PLoS ONE.
La Redaccion
