La discussion sociala sus cèrts aliments e lors beneficis se son debanats totjorn. Una d’aquelas tematicas discutidas es sus lo pan blanc pr’amor que n’i a que dison qu’es pas bon per la santat lo manjar, del temps que d’autres afirman que òc, que cal lo manjar regularament pr’amor que va plan per la santat umana. Totun, divèrses estudis scientifics realizats los darrièrs tempses avisan su çò que pòt o pòt pas balhar lo pan blanc a la nòstra santat. Nosautres amb aquò podèm reagir (o pas).
Aital, e pr’amor que lo pan blanc es un dels aliments mai venduts e consumits a la planeta, divèrses estudis scientifics se son estats faches per determinar son efièch sus la santat. E apuèi los far los cercaires volguèron alertar sus los efièchs negatius qu’a lo pan blanc quora i a un consum excessiu d’aquel aliment. Conéisser aqueles estudis ajuda valorar se cal contunhar de ne manjar mai, mens o brica.
Per ansin, mai d’un estudi fach fa pas gaire aguèt coma conclusion que lo pan blanc pòt èsser restacat directament amb venir subregras. Un estudi presentat al Congrés d’Obesitat Europèu confirmèt que manjar dos o mai porcions cada jorn fa montar lo subrepés fins un 40% (e cada porcion ne serián 3 lescas).
En mai d’aquò, de cercaires de l’estatsunitenca Clinica Mayo avertiguèron que lo pan blanc es fach de grana pichona, processada per li quitar de neuriments e de fibra E açò vòl dire que balha pas gaires neuriments e òc fòrça calorias. Un autre estudi considerèt qu’es un dels aliments que ja créisser l’index glucemic e aquò vòl dire una lèu creissença de glucòsa en sang (pendent las doas oras que seguisson l’ingestion). Aquò fa créisser, al còp, lo risc de desvolopar de malautiás coma la diabèta 2.
Tròp de sòdi
A mai, un estudi fach per la fondacion World Action on Salt and Wealth confirmèt qu’es un aliment qu’a fòrça sòdi, benlèu tròp pr’amor que cèrts tipes de pan blanc an prèp de 2,5 gramas de sal (en 250 gr de pan blanc) e aquò vòl dire donar pus sal al cors umans que manjar quatre plats de fritas. Aquò es aital pr’amor que lo sòdi entraïna patir de malautiás cardiovascularas.
Fin finala, es un aliment qu’a fòrça gluten. Lo gluten es enebit pels celiacs mas plusors cercaires volguèron avertir que i a encara mai umans que lo patisson sens o saber. Segon aqueles cercaires fins un 40% de l’umanitat pòt pas processar plan lo gluten e l’autre 60% es prèp de poder pas, çò que vòl dire far patir tròp l’estomac. Ara ja es causa sabuda. Manjar de pan blanc a de riscs. La decision es solament nòstra.
La Redaccion