Quan parlam de la luta contra la desforestacion sovent non pensam tot aquerò restacat dab los oceans e que tanben que pòt ajudar e plan dens aquera luta. Pr’amor que bèth temps a, los cercaires avisèn que los paluns e las mangròvas, e tanben de tot tipe de plantas e d’èrbas marinas tanben shuquen dioxide de carbòni de l’atmosfèra. Autant o mei que los pròpis bòscs de la planeta.
Pr’açò, de navèths estudis confirman que, se volem lutar mélher contra lo cambiament climatic, çò que cau har tanben ei bastir bonas linhas de defensa en la còsta e atau la nosta posicion dens aquera luta entrarà dens un aute nivèu. E la solucion qu’ei restaurar los ecosistèmas marins.
Atau, mantun cercaire prepausa adara restaurar plan los ecosistèmas de la còsta entà poder shucar mélher lo dioxide de carbòni e arrestar mei hautas temperaturas. Pr’amor que l’èrba marina e las mangròvas que son los celèbres ecosistèmas blus e las plantas acerà shucan hèra dioxide de carbòni entà ne balhar mei d’oxigèn.
Un aliat contra lo cambiament climatic
Uei la planeta a de mei en mei dioxide de carbòni e tots parlan de plantar mei e mei arbos. E qu’oblidan plantar tanben plantas marinas en la còsta entà shucar tanben lo medish nivèu o enqüèra mei de dioxide de carbòni de l’atmosfèra. La luta contra la desforestacion marina donc deuré aver tanta importància coma la desforestacion terrèstra.
La prepausta estó realizada per cercaires de l’Universitat tecnologica de Geòrgia, aus Estats Units. Segon aqueths, restaurar plan los ecosistèmas marins poriá ajudar e plan contra lo cambiament climatic pr’amor que seré shucat hòrt mei de dioxide de carbòni. Un factor clau dens aquera luta.
“L’èrba marina e las mangròvas, dit lo cercaire Chris Reinhard, que shucan de dioxide de carbòni pendent tot lo dia e puish ei transformat en biomassa. Qué pòt demorar sepelida au fonz marin. Qu’ei ua bona faiçon de shucar de dioxide de carbòni de l’atmosfèra. E autant important coma la luta contra la desforestacion terrèstra”.
Au delà d’aquò, restaurar aqueth tipe d’ecosistèmas marins que poiré balhar beneficis a la fauna e la flora locau e tanben ajudar a l’economia deus vilatges de còsta. Totun, que cau saber o har plan, pr’amor que, se que non, aquò provòca mei d’aciditat aus oceans.
La prepausta d’aqueths cercaires donc ei ua auta manèra de lutar de faiçon urgenta contra lo cambiament climatic. Totun, qu’ei ua faiçon navèra e hèra originau entà poder shucar mei dioxide de carbòni. Pr’amor qu’adara dejà sabem qu’entà ac poder har plan, que cau tanben poder restaurar los ecosistèmas marins, dab mei d’èrba marina e tanben mei de mangròvas.
La Redaccion
