Nosauts tots pensam que los governs internacionaus an la tòca de redusir la pollucion actuau entà arrestar lo cambiament climatic. Mas la vertat qu’ei que las enterpresas mondiaus tanben lutan entà arrestar possibles cambiaments pas desirats. E qu’envian delegacions a las amassadas internacionaus entà ganhar la batalha. Fin finau, Nacions Unidas que confirmè que, despuish adara, los delegats ad aqueras reünions que dévon confirmar a quau enterpresa qu’apartiénen e atau se con·hessar coma lobistas anti-cambiaments climatics.
Pr’amor que i a de mei en mei delegats d’enterpresas de combustible fossile dens las amassadas entà lutar contra lo cambiament climatic. Pendent annadas, aqueth tipe d’enterpresas qu’enviè de mei en mei delegats ad aqueras reünions internacionaus. La lor tòca qu’èra arrestar cap decision shens s’identificar. E aquò qu’empacha d’adoptar màgers decisions environamentaus a nivèu internacionau, segon l’ONU.
Lo cas del COP27
Un exèmple pòt demostrar plan l’estat de las causas. En 2022, au conegut COP27 que i avón mei de 600 delegats d’enterpresas de combustible fossile. Tots que balhèn lo son avís e aquò qu’arrestè los autes delegats de préner cap decision. E ne s’identifiquèn pas.
En noveme d’aquesta annada que i aurà lo COP28, a Dubai. Qu’ei conegut que los Emirats Aràbis Units son un deus màgers país qui provòcan de pollucion a la planeta, pr’amor deu petròli. Lo sultan, Al Jaber, que’n serà lo president. E aquò dejà qu’ei estat plan criticat peus ecologistas.
Se i a de mei en mei delegats d’enterpresas de combustible fossile dens aqueth tipe de reünions internacionaus, qu’ei de créder que’s cau identificar entad ac deishar tot clar. Au COP27, a Glasgow, que i avón mei delegats d’aqueth tipe d’enterpresas que de nat aute país deu monde. Solament açò que pòt balhar ja ua idèa de çò qui hèn e çò que provòcan.
Urosament, adara l’ONU que demanda s’identificar. Tot delegat déu demostrar se apartien a ua enterpresa e de quau tipe. Qu’estó confirmat peu cap deu Climat de Nacions Unidas, Simon Stiell. Que son delegats que cèrcan poder estar a la taula de las decisions. Mes que cau èster onest e díser a quau enterpresa representan.
Dab aquò, l’ONU que vòu arrestar de cases coma lo de Bernard Looney, qui en 2022, maugrat ester director de British Petroleum, dit qu’èra lo delegat de Mauritània. E quate delegats de Total, l’enterpresa de petròli francesa, qu’afirmèn qu’èran ecologistas alemands. Se los delegats vòlen pas díser a quau enterpresa representan, l’ONU publicarà ua lista negra dab los lors noms. E cadun que poirà aver la soa conclusion.
Dab aquò, que’s vòu arrestar de decisions se s’apartien a ua enterpresa de combustible fossile. Pr’amor que la credibilitat deu procés que comença d’estar en question entà tots. Dab aquò Nacions Unidas vòu recondusir lo procés e un còp de mei balhar credibilitat au madeish. Non solament pr’amor deus ecologistas. Mes pr’amor de çò qui demanda dejà, quasi la majoritat deus abitants de la planeta. Se que non, la pòrta cap a l’in·hèrn que demorarà obèrta per nosautes e los nostes hilhs.
La Redaccion
