Se pensam que dins l’avenidor poirem viure mai d’ans, tanben es una possibilitat que tanben evòcan fòrça cercaires. E la resulta de lors estudis a producha una chifra estonanta. Doncas, quantes ans podèm viure per aperaquí l’an 2100?
Aquò es pas brica estonant pr’amor que l’òme viu ara plan mai qu’abans lo sègle XX. E la tecnologia actuala fa pensar que l’òme viurà encara mai en 2100. Jeanne Calment visquèt de 1875 a 1997, çò es 122 ans. Es la persona que s’es demostrat que visquèt mai. Fins ara.
Arribar als 128 ans
Uèi es plan abitual de trapar de personas amb mai de 90 ans d’edat. Quin es lo limita? Un nòu estudi publicat dins Demographic Research ne balha una idèa. Segon los cercaires de l’Universitat de Washington, de viure fins als 126 ans se pòt concretizar amb mai d’un 86% de possibilitats. D’arribar als 128 ans es probable del 44% e als 130 d’un 13%.
Los cercaires analisèron la basa de donadas de l’Institut Max Planck d’Estudis Demografics que confirmèt que, uèi, i a entre 350 e 400 personas de mai de 110 ans, mai que mai en Occident. E, çò dison los cercaires, mai de tecnologia esperlongarà la vida per l’èsser uman. En 2100, l’edat mejana maximala de nòstra espècia poiriá èsser de 122 ans. Serà possible, tot aquò?
La Redaccion
