LOS PTERODACTILS PODIÁN VOLAR APRÈS NÀISSER
Es una descobèrta paleontologica estonanta. Fins uèi lo jorn se pensava que los pterodactils (un tipe de pterosaures) podián volar solament quora èran d’adults cossí fan d’ausèls o de ratapenadas . Totun, un estudi fach per David Unwin , de l’Universitat de Leicester e Carles Deeming, de l’Universitat de Lincoln, demostrèt que podián volar ja après la naissença.
D’efièch, es una descobèrta scientifica unica pr’amor que cap vertebrat uèi lo jorn o encara pendent tota l’istòria de la biologia poguèt pas aquò far. Es una descobèrta prigonda, que pòt cambiar cossí comprenèm la vida dels pterodactils; e aquò arriba aprés se confirmar qu’apuèi nàisser podián ja volar.
L’idèa que los pterodactils podián pas volar arribèt apuèi èsser descobèrts mantuns embrions en China. Aqueles espècimens avián d’alas brica desvolopadas. E aquò ajudèt s’espandir lo vejaire paleontologic que foguèt una espècia que començava volar coma adult e pas abans, cossí fan uèi d’ausèls o de ratapenadas.
Totun, un estudi fach per aqueles scientifics poguèt cambiar aquela ipotèsi scientifica. Restacar d’embrions de pterodactil amb d’autres d’ausèls o encara de crocodils ajudèt plan o far, e tanben la descobèrta de nòus embrions de pterodactil en China e Argentina: los pterodactils avián l’abilitat de volar tras nàisser.
Una diferéncia fonamentala
Pr’aquò Unwin e Deeming soslinhèron que los parents pterodactils suenhavan pas los pichons pterodactils e qu’aqueles devián cercar de minjar tras nàisser. Aquò ajudèt desvolopar encara d’alas pus longas en tot fugir dels dinosaures carnivòrs. Totun, fòrça especimèns morissián fòrça joves pr’amor d’aquò.
Foguèron doncas d’animals pas coma d’aucèls o de ratapenadas. “Teoricament, los pterosaures faguèron una causa que se podiá pas debanar, çò diguèt Unwin, pr’amor que, maugrat créisser e volar al còp es pas possible, los pterodactils o faguèron parièr”. Ara aquela nòva teoria atanben pòt ajudar desvolopar de nòus modèls scientifics en d’espècias escantidas.
La Redaccion
