Lo tamandua mexican es una espècia de mamifèr que demòra suls arbres e qu’aperten a la familha dels Myrmecophagidae. Lor abitat natural es dins la selva de Mexic, Eqüator, Colòmbia e encara divèrses airals d’America centrala. Es tanplan conegut amb lo nom d’ors formiguièr o tamandua del nòrd.
Un tamandua adulte pòt far entre 1 e 1,3 mètres de longor e la mitat es per la coa. Lor pes se situa demest 3 e 5 Kg. Las pautas anterioras an d’arpas plan longas. Lo cap es long e los uèlhs pichonèls. Las aurelhas son redondas e son en bas del cran. La coa es fòrta e an fòrça pèl e amb divèrsas tacas mai escuras.
Malgrat que la majoritat d’espècimens an una color blanca n’i a qualqu’unes qu’an una color un pauc mai bruna o jauna amb de tacas negras o brun escur qu’arriban fins a l’esquina. Las aurelhas son totjorn negras e tanben la fàcia. Lo tamandua aperten al quite òrdre dels Xenarthra, qu’includís tanben los armadillos. Aquel superòrdre a coma caracteristica d’animals qu’an d’articulacions en las vertèbras lumbaras, un fach qu’es unic e mercés a aquò pòdon melhor furgar al tèrra a l’ora de cercar de noiridura.
Divèrsas sosespècias
Uèi lo jorn existisson fins a quatre sosespècias de tamandua: la mexicana, qu’òm pòt trapar en de païses coma Mexic, Guatemala, Belize, Honduras e El Salvador, la nomenada tamandua instabilis que demòra en Veneçuèla e lo nòrd colombian, lo tamandua punensis qu’a coma abitat Nicaragua, Còsta Rica, Panamà e Colòmbia e encara lo tamandua que demòra en Eqüator e Peró.
Lo tamandua meridional, per rapòrt al tamandua del nòrd, demòra sonque en America del Sud e es una autra espècia mamifèra qu’a d’aurelhas un pauc màgers . Totun, ambedoas espècias a una color semblanta.
Per contra L’ors formiguièr grand es plan mai grand que lo tamandua mexican e la siá coa a fòrça mai pèl, a mai de viure jamai suls arbres. Per ansin, lor abitat es contunh dempuèi lo nòrd de Veracruz fins a d’airals montanhoses perovians. Es un mamifèr brica agressiu e totjorn que pòt fugís. La siá abituda es mai nuechenca e arboricòla e pr’amor d’aquò es totjorn suls arbres. Per l’ajudar a d’arpas plan longas e una coa fòrta.
Quand es sus la superfícia lo tamandua marcha pas gaire aisidament. La siá noiridura basica son d’insèctes coma formigas e termitas. La gestacion d’una femèla demòra fins a cinc meses e sonque a d’abituda, un pichon. Lo comèrci d’aqueste animal o la siá pèl es plan malaisit car es considerat en dangièr d’extincion.
Un article d’Andrés López*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
Aqueste article es tanben publicat dins Naturaleza Salvaje, un numeric de geografia e l’environament, que Sapiéncia n’a un acòrdi de cooperacion
